Van Gaal ប្រាប់ថានឹងទិញខ្សែប្រយុទ្ធអាថ៌កំបាំងគ្មានអ្នកណាស្មានដល់

2015-07-22 15:48:18
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Louis van Gaal បាននិយាយថាក្រុម Manchester United កំពុងតែចរចាទិញខ្សែប្រយុទ្ធអាថ៌កំបាំងម្នាក់ដែលគ្មាននរណាស្មានដល់នោះទេ ព្រោះម្នាក់នោះខាងអ្នកកាសែតមិនដែលចុះផ្សាយឡើយ។

លោក Van Gaal បាននិយាយមុនក្រុម Man Utd ប្រកួតជាមួយ San Jose Earthquakes ក្នុងពានរង្វាន់ International Champions Cup នៅម៉ោង១០ព្រឹកនេះថា៖ "ក្លិបកំពុងតែស្វែងរកខ្សែប្រយុទ្ធម្នាក់ទៀត។ ម្នាក់នោះ មិនមែនជាខ្សែប្រយុទ្ធដែលកាសែតចេះតែចុះផ្សាយនោះទេ។ អ្នករាល់គ្នាត្រូវរង់ចាំបន្តិចសិន ព្រោះថារយៈពេលដោះដូរកីឡាករមានរហូតដល់ថ្ងៃទី៣១ខែសីហា ឬដល់ថ្ងៃទី២ខែកញ្ញាឯណោះ។ បច្ចុប្បន្ន យើងមានកីឡាករថ្មី៤នាក់ហើយ ប៉ុន្តែក្រុមត្រូវការកីឡាករសំខាន់ម្នាក់ទៀត”។

ក្រោយពី Radamel Falcao និង Robin van Persie បានចាកចេញ ក្រុមបិសាចក្រហមនៅសល់ខ្សែប្រយុទ្ធសំខាន់តែម្នាក់ទេគឺ Wayne Rooney ខណៈដែលវត្តមានរបស់ Depay ដែលទើបតែទិញចូលនឹងអាចត្រូវលោក Van Gaal យកទៅលេងតំបន់ប្រយុទ្ធអមជាមួយ Rooney ផងដែរ។

ចាំមើលថាតើខ្សែប្រយុទ្ធអាថ៌កំបាំងដែលអតីតគ្រូបង្វឹកជម្រើសជាតិហុល្លង់បានបង្ហើបនោះជានរណា? ចុះចំពោះគំនិតប្រិយមិត្តវិញ អាចទាយដឹងដែរឬទេ?

ចុចអាន៖ Van Gaal ស្ដីឱ្យអ្នកកាសែតថាសរសេររឿងឥតបានការ

ប្រែសម្រួល៖ មុន្នី រម្យ ប្រភព៖ dailymail