ផូស៊ីលពស់ជើង៤ បង្ហាញភស្តុតាងពីដំណើរវិវត្តន៍របស់សត្វពស់
- 2015-07-24 20:53:27
- ចំនួនមតិ 0 | ចំនួនចែករំលែក 0
ផូស៊ីលពស់ជើង៤ បង្ហាញភស្តុតាងពីដំណើរវិវត្តន៍របស់សត្វពស់
ចន្លោះមិនឃើញ
ផូស៊ីលសត្វពស់ជើង៤ បានបង្ហាញពីភស្តុតាងជាច្រើនដល់អ្នកវិទ្យាសាស្ត្រ អោយរកឃើញពីដើមហេតុជាច្រើននៃការវិវត្តន៍របស់សត្វល្មូនមួយនេះ។
ក្រុមអ្នកវិទ្យាសាស្ត្រនៃសាកលវិទ្យាល័យ Portsmouth ប្រទេសអង់គ្លេសបានសិក្សាស្រាវជ្រាវទៅលើផូស៊ីលសត្វពស់អាយុកាលប្រហែល១១០លានឆ្នាំ។ វាមានខ្លួនប្រវែង២០សង់ទីម៉ែត្រ និងជើងតូចៗប្រវែង១សង់ទីម៉ែត្រ។
ផូស៊ីលសត្វពស់ជើង៤នេះ បានធ្វើឲ្យអ្នកវិទ្យាសាស្ត្រសន្និដ្ឋានបានថាសត្វពស់គឺវិវត្តមកពីអំបូរល្មូនបង្កួយ។ វាបានស្រាយបំភ្លឺនូវចម្ងល់វិវត្តនៃសត្វពស់បច្ចុប្បន្ន។ លោកសាស្ត្រាចារ្យ Dave Martill ដែលដឹកនាំការស្រាវជ្រាវខាងលើបានឲ្យដឹងថា សត្វពស់អាចវិវត្តមកពីអំបូរល្មូនបង្កួយដែលរស់នៅក្នុងរូង មិនមែនជាសត្វល្មូនក្នុងទឹកទេ ដោយបានសិក្សាទៅលើឆ្អឹង លលាដ៍ និងកាកសំណល់អាហារដែលជាប់ក្នុងពោះផូស៊ីលនេះ។
ដោយឡែកការស្រាវជ្រាវនឹងត្រូវធ្វើជាបន្តទៀតដោយក្រុមអ្នកវិទ្យាសាស្ត្រផ្សេងៗទៀតដើម្បីបញ្ជាក់។ ផូស៊ីលខាងលើត្រូវបានជីកឃើញនៅក្នុងប្រទេសប្រេស៊ីល ហើយក៏ជាផូស៊ីលដែលគេពុំដែលជួបប្រទះនោះឡើយ៕
ប្រែសម្រួល៖ មាន រតនា ប្រភព៖ BBC, huffingtonpost
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
