ទម្លាប់ស្លៀកពាក់៥យ៉ាងនេះ អាចសម្លាប់អ្នកដោយមិនដឹងខ្លួន

2015-07-25 17:54:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ការស្លៀកពាក់គឺជារឿងសំខាន់ខ្លាំងណាស់សម្រាប់មនុស្សគ្រប់រូប ប៉ុន្តែវាក៏មានផលអវិជ្ជមានមួយចំនួនផងដែរ ប្រសិនបើអ្នករាល់គ្នាធ្វេសប្រហែសមិនបានយល់ច្បាស់ពីរបៀបនៃការស្លៀកពាក់នោះ។ ខាងក្រោមនេះជារឿង៥យ៉ាងគួរយល់ដឹង ចំពោះការស្លៀកពាក់៖

១.សំលៀកបំពាក់តឹងពេក

សំលៀកបំពាក់តឹងពេក គឺពិតជាអាចឆក់យកជីវិតរបស់អ្នកបានយ៉ាងងាយ។ ការស្លៀកខោអាវក្នុង (corset) ជាប្រចាំថ្ងៃជារឿងមិនល្អសម្រាប់សរីរាង្គទេ ព្រោះវាបានសង្កត់ក្រពះ និងចង្កេះរបស់អ្នកជាមួយគ្នា ដែលអាចបង្កគ្រោះថា្នក់បាន។

២.ខោរឹបពេក

បើយោងទៅតាមអ្នកជំនាញផ្នែកខោខូវប៊យបានឲ្យដឹងថា ការស្លៀកខោខោវប៊យដែលរឹបពេករាល់ថ្ងៃគឺជាការមិនល្អទេ។ វាអាចបង្កផលប៉ះពាល់ច្រើនចំពោះស្បែក និងកោសិកាមួយចំនួន មួយវិញទៀតការស្លៀករឹបពេក ក៏អាចបង្កជាគ្រោះថ្នាក់បានដែរ ចំពោះប្រព័ន្ធសរសៃប្រសាទដូចជាប៉ះពាល់ដល់អារម្មណ៍ និងមានការឈឺចាប់។

៣.ខោក្នុងស្បៃ

ការស្លៀកខោក្នុងស្បៃ ដែលរឹតត្បិតត្បៀតមានផលប៉ះពាល់ច្រើនណាស់ ព្រោះខោប្រភេទនេះវាចូលក្នុងរន្ធគូថ និងទ្វារមាសនារី ដែលបង្កឲ្យបាក់តេរី និងវីរុសរហូតដល់ឆ្លងមេរោគត្រង់បរិវេណនោះ។

៤.ខោអាវហែលទឹក

ការស្លៀកសំលៀកបំពាក់សម្រាប់ការហែលទឹកនោះផ្ទុកទៅដោយមេរោគដោយសារតែវាសើមនឹងធ្វើឲ្យដុះផ្សិត និងមានបាក់តេរី។ យកល្អប្រសិនបើអ្នកចង់ទៅលេងទឹក គួរណារកខោអាវណាដែលស្ងួតល្អ កុំប្រើឱ្យសោះខោអាវសើម។

៥.ដែកនៅក្រោមអាវទ្រនាប់

ដែកមួយសរសៃដែលនៅក្រោមអាវទ្រនាប់គឺជាវត្ថុធាតុដែលអាចសម្លាប់អ្នកបាន។ ប្រភេទអាវទ្រនាប់ទាំងនេះបានបញ្ឈប់របត់ឈាមឲ្យឈប់រត់ទៅក្នុងសុដន់ដែលជាកន្លែងដែលជាលិកាសុដន់នោះដែលបណ្ដាលអោយកើតជំងឺមហារីកសុដន់។

ប្រែសម្រួល៖មុន្នី រម្យ ប្រភព៖boldsky