បេនីយុំាង ក្រុមគ្រួសារដឹកចូលពេទ្យជាថ្មី ស្ថានភាពកាន់តែធ្ងន់

2015-07-26 15:26:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង បេនីយុំាង ដែលស្ថានភាពជំងឺបានបង្ហាញភាពល្អប្រសើរដោយថែមទាំងទទួលបទសម្ភាសន៍ជាមួយ Sabay តាមវីដេអូឆាតនោះ ត្រូវបានក្រុមគ្រួសារដឹកចូលមន្ទីរសារជាថ្មីនាយប់មិញនេះ ដោយសារនាងបានដួលសន្លប់ម្ដងទៀត ក្រោយចាកចេញពីមន្ទីរពេទ្យបានតែប៉ុន្មានម៉ោង។

សាច់ញាតិម្នាក់ដែលលើកទូរសព្ទជំនួសតារាស្រីម្នាក់នេះ ប្រាប់ថា បេនីយុំាង មានអាការកាន់តែគួរឲ្យបារម្ភជាងមុន។ សាច់ញាតិរូបនោះ ថ្លែងថា "នាងបានដួលសន្លប់ទៀត ហើយបេះដូងនាង ធ្វើទុកកាន់តែខ្លាំង...ឥឡូវគ្រូពេទ្យកំពុងតែតាមដាន មិនទាន់ដឹងលទ្ធផលយ៉ាងណាទេ"។

បេនីយុំាង កំពុងសង្គ្រោះ(រូបថត៖ហ្វេសប៊ុក)

ដោយសារមានជំងឺប្រចាំកាយ(ខ្សោយ)ជាច្រើនឆ្នាំ និងទទួលការងារសិល្បៈថ្មីៗច្រើនផងធ្វើឲ្យកម្លាំងទប់មិនជាប់ បេនីយុំាង បានដួលសន្លប់លើកទី១កាលពីថ្ងៃទី ២៣ ហើយត្រូវក្រុមគ្រួសារដឹកមកសង្គ្រោះបន្ទាន់នៅមន្ទីរពេទ្យមួយនៅម្ដុំច្បារអំពៅ។ រសៀលម្សិលមិញ តារាស្រីរូបនេះ បានចាកចេញវិញ ក្រោយអាការជំងឺបានប្រសើរ ប៉ុន្តែបានតែប៉ុន្មានម៉ោងប៉ុណ្ណោះ នាងត្រូវក្រុមគ្រួសារដឹកទៅសង្គ្រោះបន្ទាន់ម្ដងទៀត បន្ទាប់ពីនាងដួលសន្លប់ជាថ្មី។

ក្រុមគ្រួសារអះអាងថា ស្ថានភាពរបស់នាង កាន់តែគួរឲ្យបារម្ភ។ បច្ចុប្បន្ន នាងកំពុងស្ថិតក្នុងការតាមដានជំងឺនៅមន្ទីរពេទ្យ ១១៥ ៕

អត្ថបទ៖ ទារិកា