ស៊ីន ស៊ីសាមុត និង គង់ ណៃ ត្រូវគេប្រៀបធៀបនឹងសិល្បករល្បីលំដាប់ពិភពលោក!

2014-09-16 21:26:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយពិបាកក្នុងការបង្ហាញកម្រិតនៃទេពកោសល្យរបស់សិល្បករខ្មែរ សារព័ត៌មានបរទេសជាច្រើនសុខចិត្តហៅពួកគេ តាមរយៈឈ្មោះអ្នកចម្រៀងល្បីៗរបស់ពិភពលោក។

មកទល់ពេលនេះ មានតារាចម្រៀងខ្មែរពីររូប គឺលោក ស៊ីន ស៊ីសាមុត និងលោក គង់ ណៃ ត្រូវបានគេប្រៀបធៀបសមត្ថភាពទៅនឹងតារាពិភពលោក។

លោក ស៊ីន ស៊ីសាមុត ជា Frank Sinatra

លោក ស៊ីន ស៊ីសាមុត ថ្វីត្បិតតែបានចែកឋានទៅហើយក្ដី ប៉ុន្តែសំនៀងដ៏ក្រអួនក្រអៅធ្វើឲ្យលោកនៅតែជាប់ជាអធិរាជសំឡេងមាសក្នុងដួងចិត្តរបស់ប្រជាពលរដ្ឋខ្មែរ។ សារព័ត៌មានអង់គ្លេស The Guardian បានប្រៀបធៀបលោកទៅនឹងតារាចម្រៀងកំពូលអាមេរិកាំង Frank Sinatra។

លោក Frank Sinatra ដែលបានកើតនៅឆ្នាំ១៩១៥ និងបានថតជាបទចម្រៀងស្ទើររាប់មិនអស់។ សារព័ត៌មានអង់គ្លេសមួយទៀត Telegraph បានពិពណ៌នាថា Frank Sinatra ជាតារាចម្រៀងល្អបំផុត។ "សំឡេងរបស់គាត់ធ្វើឲ្យមនុស្សរាប់លាននាក់រំភើបពេលបានលឺ"។ ក្រៅពីតារាចម្រៀង Frank Sinatra ក៏ជាតារាសម្ដែង និងជាផលិតករភាពយន្តផងដែរ។ ក្នុងឆ្នាំ១៩៩៨ លោកក៏បានទទួលមរណភាពដោយសារបញ្ហាគាំងបញ្ហាបេះដូង។

ស្ដាប់បទចម្រៀងរបស់លោក ស៊ីន ស៊ីសាមុត

http://youtu.be/DichQ413J3M

ស្ដាប់បទចម្រៀងរបស់លោក Frank Sinatra

http://youtu.be/IvPWyv4Jd_8

លោក គង់ ណៃ ជា Charles Ray

អ្នកចម្រៀងចាប៉ី លោក គង់ ណៃ បានកើតនៅឆ្នាំ ១៩៤៤ ក្នុងខេត្តកំពត។ លោកត្រូវបានសារព័ត៌មានដូចជា The Guardian, The Wire រួមនឹងគេហទំព័រជាច្រើនទៀត ប្រដូចលោកទៅនឹងអ្នកចម្រៀងអាមេរិកាំង Charles Ray។ លោក គង់ ណៃ ពិការភ្នែកទាំងសងខាង ប៉ុន្តែលោកអាចលេងចាប៉ីបណ្ដើរ ចម្រៀងបណ្ដើរ កំដរអារម្មណ៍សាធារណជនមួយចំនួន។ លោកសម្ដែងទាំងក្នុងស្រុក និងក្រៅស្រុក។

ចំណែកលោក Charles Ray វិញ កើតក្នុងឆ្នាំ១៩៣០ នៅសហរដ្ឋអាមេរិក។ លោកក៏ពិការភ្នែកនៅអាយុ៧ឆ្នាំ។ លោកជាសិល្បករអាចច្រៀងបានពីរោះ ជាមួយនឹងការលេងប៉្យាណូបណ្ដើរ។ លោកក៏បានបន្សល់ទុកស្នាដៃជាច្រើនមកដែរ។ នៅឆ្នាំ២០០៤ លោកបានទទួលមរណភាព។

ស្ដាប់បទចម្រៀងរបស់លោក គង់ ណៃ