៧ យ៉ាងស្គាល់ពីប្រទេសកូរ៉េ

2015-08-03 14:31:24
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយពីប្រទេសកូរ៉េ គេប្រាកដជានឹកឃើញពីតន្ត្រី KPOP ដ៏ល្បីល្បាញក៏ដូចជាសម្រស់ដ៏ស្រស់ស្អាតនិងស្រស់សង្ហារបស់តារាកូរ៉េ។ មានអ្វីជាច្រើនទៀត ដែលគេស្គាល់ពីប្រទេសកូរ៉េ?

Kimchi

Kimchi ជាអាហារប្រពៃណីរបស់ជនជាតិកូរ៉េ។ ពលរដ្ឋកូរ៉េចូលចិត្តទទួលទាន Kimchi ហើយអាហារនេះក៏ត្រូវបានប្រើប្រាស់ស្ទើរតែគ្រប់ចានម្ហូបរបស់ជនជាតិកូរ៉េ។

ស្រា Soju

ស្រា Soju ជាស្រាប្រពៃណីរបស់កូរ៉េ។ ស្រា Soju ស្រដៀងស្រា Vodka។ ពលរដ្ឋកូរ៉េចូលចិត្តទទួលទានស្រា Soju នៅពេលទទួលអាហារជួបជុំក្រុមគ្រួសារ មិត្តភ័ក្ដិនិងនៅក្នុងកម្មវិធីនានា។

ការកែសម្ផស្ស

ប្រទេសកូរ៉េក៏ល្បីល្បាញខ្លាំងសម្រាប់ការវះកាត់កែសម្ផស្ស។ ភ្ញៀវទេសចរជាច្រើនដូចជាជប៉ុន ចិន រុស្សីបានធ្វើដំណើរទេសចរមកកម្សាន្តប្រទេសកូរ៉េ ក្រៅពីចង់ដឹងចង់ស្វែងយល់ពីវប្បធម៌ជនជាតិកូរ៉េជាមួយការទស្សនាតំបន់កម្សាន្តនានា មួយចំនួនធំក៏ក្នុងគោលបំណងមកវះកាត់កែសម្ផស្សផងដែរ។

ភាពស៊ីវិល័យ

ជនជាតិកូរ៉េរស់នៅក្នុងសង្គមស៊ីវិល័យ ទាំងការស្លៀកពាក់និងការប្រើប្រាស់សម្ភារៈទំនើបៗ។ បុរសកូរ៉េបានចំណាយលើការទិញគ្រឿងសម្អាងប្រើប្រាស់ក្នុងមួយឆ្នាំៗអស់ជាង ៩០០ លានដុល្លារដែលស្មើ ១ភាគ៤ការចំណាយរបស់បុរសនៅលើពិភពលោក។ នេះបើយោងតាម Euromonitor ។ ការប្រើប្រាស់ Smartphone មានជាង ៨០ ភាគរយចំនួនពលរដ្ឋសរុប ហើយអ្នកដែលមានអាយុចន្លោះ ១៨ ទៅ ២៤ ឆ្នាំចំនួនអ្នកប្រើប្រាស់ Smartphone មានរហូតដល់ ៩៧ ភាគរយ។

ចម្រៀង KPOP

ចម្រៀង KPOP របស់កូរ៉េបានល្បីខ្ទរខ្ទារទូទាំងពិភពលោក។ កូរ៉េកាន់តែមានកេរ្តិ៍ឈ្មោះបោះសំឡេងនិងលេចមុខមាត់លើឆាកអន្តរជាតិដោយសារតែបទចម្រៀងកំពូលតារាចម្រៀង PSY ដែលធ្វើឲ្យជនជាតិកូរ៉េមានមោទនភាពជាខ្លាំង។

មានក្រុមហ៊ុនអាកាសចរល្អបំផុតនៅលើពិភពលោក

កូរ៉េត្រូវបានគេទទួលស្គាល់ថាមានក្រុមហ៊ុនអាកាសចរដែលមានការទទួលបដិសណ្ឋារកិច្ចដ៏ល្អបំផុត។ ជាមួយបុគ្គលិកដែលមានភាពរួសរាយរាក់ទាក់ ពោរពេញដោយស្នាមញញឹមប្រកបដោយភាពទាក់ទាញជាមួយការផ្តល់សេវាកម្មដ៏ល្អឥតខ្ចោះសម្រាប់អ្នកធ្វើដំណើរ។

កូរ៉េសំបូរកីឡាការិនីឆ្នើមវាយកូនគោលលំដាប់កំពូលរបស់ពិភពលោក

កីឡាការិនីវាយកូនហ្គោលរបស់កូរ៉េឈរនៅលំដាប់កំពូលរបស់ពិភពលោក។ ក្នុងចំណោមកំពូលកីឡាការិនីឆ្នើមទាំង ១០០ នាក់ មាន ៣៨ នាក់ជាជនជាតិកូរ៉េ ហើយក្នុងចំណោមកំពូលទាំង ២៥ បច្ចុប្បន្ននេះមាន ៩ នាក់ទៅហើយដែលជាកីឡាការិនីកូរ៉េ។

ចុះប្រិយមិត្តគិតថា កូរ៉េមានអ្វីទៀតដែលល្បីធ្វើឲ្យពិភពលោកស្គាល់ប្រទេសអាស៊ីមួយនេះ?

អត្ថបទ៖ ប៊ុណ្ណារ៉ា