លោកយាយ៨០ឆ្នាំ ថា Costa ចូលចិត្តមើលរឿងសិចបើកសំឡេងខ្លាំងៗ

2015-08-01 17:37:46
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយម្នាក់ដែលជាអ្នកជិតខាងរបស់កីឡាករ Diego Costa បាននិយាយថាកាលពីមុនខ្សែប្រយុទ្ធរូបនេះតែងតែនាំមិត្តភ័ក្ដិមកជប់លៀងនៅផ្ទះដល់យប់អាធ្រាត្រ ហើយក្រោយពីចប់ស៊ីផឹកទៅពួកគេតែងតែចាក់រឿងសិចមើលដោយបើកសំឡេងខ្លាំងៗណាស់។

រឿងរ៉ាវខាងលើកើតឡើងតាំងពីពេលកីឡាករ Costa នៅលេងឱ្យក្លិប Albacete ក្រោមលក្ខខ័ណ្ឌខ្ចីជើងពេលរូបគេនៅកុងត្រាជាមួយ Atletico Madrid ម្ល៉េះ។ លោកយាយដដែលបានបញ្ជាក់ថា ឱ្យតែកីឡាករវ័យ២៦ឆ្នាំរូបនេះសប្បាយចិត្តឬរកគ្រាប់បាល់បាន គឺតែងតែហៅមិត្តរួមក្រុម និងអ្នកដែលគេស្គាល់ទៅជប់លៀងនៅផ្ទះជានិច្ច។

ការជប់លៀងនោះមិនត្រឹមតែមានការផឹកស្រា ច្រៀងរាំនោះទេ ពោលគឺឱ្យតែស្រវឹងហើយ Costa តែងតែចាក់រឿងសិចមើលជានិច្ច។ ដោយសារតែសំឡេងខ្លាំងៗពេក លោកយាយវ័យ៨០ឆ្នាំបានបញ្ជាក់ថាលោកយាយតែងតែដើរទៅប្រាប់ឱ្យពួកគេបន្ថយសំឡេងរហូត។

យ៉ាងណាមិញ នេះគ្រាន់តែជារឿងចាស់កាលពី Costa លេងនៅអេស្ប៉ាញប៉ុណ្ណោះ។ ចំណែកឯនៅអង់គ្លេសវិញ គេមិនទាន់ដឹងថាកីឡាករមុខចាស់អាយុក្មេងរូបនេះប្ដូរទម្លាប់នេះហើយឬនៅទេ?

ចុចអាន៖ជឿអត់ថា Costa ខ្លាំងរហូតដល់អាចប្រែកាយបានឥឡូវ?

ប្រែសម្រួល៖ មុន្នី រម្យ ប្រភព៖ 101greatgoals