ស្រីស្អាត បេនីយុំាង និង អេនឌី បកស្រាយរឿងគ្រោះថ្នាក់ចរាចរណ៍យប់មិញ
- 2015-08-01 19:26:39
- ចំនួនមតិ 0 | ចំនួនចែករំលែក 0
ស្រីស្អាត បេនីយុំាង និង អេនឌី បកស្រាយរឿងគ្រោះថ្នាក់ចរាចរណ៍យប់មិញ
ចន្លោះមិនឃើញ
ហេតុការណ៍គ្រោះថ្នាក់កាលពីយប់មិញដែលត្រូវបានសារព័ត៌មានក្នុងស្រុកចុះផ្សាយព្រោងព្រាតថាអ្នកបង្កហេតុគឺស្រីស្អាត បេនីយុំាង និងលោក អេន ឌី បើកឡានប៉ះគ្នាលើដងផ្លូវ ស្របពេលគេឃើញពួកគេទាំងពីរនៅកន្លែងកើតហេតុ។ ពេលនេះកញ្ញាសាច់សខ្ចីរូបនោះចេញមុខបកស្រាយតាមរយៈ Sabay ថានាងមិនមែនជាអ្នកបើកឡានបុកគេ។
រូបថត៖ FB
“គេថាខ្ញុំ បើកឡានបុកគេ តែតាមពិតអត់មានទេបង គ្រោះថ្នាក់ចរាចរណ៍យប់មិញនេះគឺជារឿងបង អេន ឌី ទេ ដែលឡានគាត់ប៉ះជាមួយម៉ូតូមួយផ្សេង ឯខ្ញុំគ្រាន់តែជួយមើលទេ ព្រោះកើតហេតុភ្លាម បង អេនឌី គាត់បានតេហៅនាងខ្ញុំឲ្យមកជួយដោះស្រាយ ខ្ញុំក៏ទៅទៅ។" បេនីយុំាង ថ្លែង។
តារាស្រីដែលរួចផុតពីអាការដួលសន្លប់ប្រាប់ថា រឿងនេះកើតឡើងតាំងពីម៉ោងប្រមណ ៧ យប់ម្ល៉េះ តែទម្រាំនាងបានទៅដល់គឺម៉ោងជិត ១២ យប់ទៅហើយ ដោយសារនាងជាប់រវល់ថតខារ៉ាអូខេ។
តារាសិចស៊ីខាងលើបានបញ្ជាក់ដោយម៉ឺងម៉ាត់ថា "ខ្ញុំមិនមែនជាអ្នកបើកឡានបុកគេទេ មិនបានជិះឡានជាមួយបង ឌី ទៀត រឹតតែមិនបាននៅក្នុងហេតុការណ៍នេះដែរ តែពេលខ្ញុំទៅដល់ឃើញគេថតខ្ញុំ ព្រឹកឡើងស្រាប់តែយកទៅផ្សាយថាខ្ញុំជាអ្នកធ្វើទៅវិញ!”។
ចំណែកលោក អេន ឌី វិញក៏បានបញ្ជាក់ដែរថា បេនីយុំាង មិននៅក្នុងហេតុការណ៍នោះទេ គឺនាងមកដល់ក្រោយ។ និយាយពីហេតុការណ៍នោះ លោក រៀបរាប់ថា លោកត្រូវឡើងទៅថៃយប់មិញនេះ ដូច្នេះវេលាម៉ោងប្រមាណជា ១១ យប់ជាង ក៏បើកឡានទៅយកសំលៀកបំពាក់ពីហាងមិត្តភ័ក្ដិមួយនៅម្ដុំផ្សារស៊ីលឹប។ បន្ទាប់ពីរួចរាល់ ក៏បើកត្រឡប់មកវិញបញ្ច្រាសទិសយឺតៗ ក៏ជួបរឿងតែម្ដង។
"ខ្ញុំចេញពីផ្ទះពួកម៉ាកមក បើកយឺតៗទេ មិនដូចសារព័ត៌មានខ្លះថា ខ្ញុំបើកលឿន លឿនអី ខ្ញុំបើកកុងទ័រប្រហែលជា ២០-៣០ទេ តែខ្ញុំខុសត្រង់ថាបើកបញ្ច្រាសប៉ុណ្ណឹង ដោយសារបញ្ច្រាសហ្នឹងហើយបានខ្ញុំបើកយឺតៗហ្នឹង តែម៉ូតូមកពីមុខរាងលឿន ហើយក៏ប៉ះគ្នាតែម្ដងទៅ។ ឥឡូវខ្ញុំ និងភាគីម្ខាងទៀតកំពុងតែដោះស្រាយគ្នាហើយបង”។
រូបថត៖ ផ្ដល់ដោយ អេនឌី
នៅព្រឹកនេះមានបណ្ដាញសារព័ត៌មានមួយចំនួនបានចុះផ្សាយថា៖បុរសម្នាក់បានរងរបួសធ្ងន់ខណៈ អេនឌី ដែរគេស្គាល់ថាជាតារាល្បីពូកែថតរូបសិចស៊ីជាមួយស្រីៗ និងអ្នករួមដំណើរកញ្ញា បេនីយុំាង បានបើករថយន្តតូយ៉ូតាកាម៉ារីហាយព្រីត មួយគ្រឿងបើកបញ្ច្រាសផ្លូវក្នុងល្បឿនលឿនក៏ជ្រុលចង្កូតទៅបុកម៉ូតូ វីវ៉ាស៊ុយសូគី សេ១២៥ មួយគ្រឿងជិះដោយបុរសម្នាក់យ៉ាងពេញទំហឹង ។ ហេតុការណ៍នេះកើតឡើងកាលពីវេលាម៉ោង ១១ និង ២០ នាទី យប់ ថ្ងៃ ទី ៣១ ខែ កក្កដា ឆ្នាំ ២០១៥ ត្រង់ចំណុចផ្សារស៊ីលឹបតាមបណ្ដោយផ្លូវ លេខ៦៣ សង្កាត់ចតុមុខ ខណ្ឌដូនពេញ ៕
អត្ថបទ៖ទ្រី រ៉ាវី