ក្រសួងវប្បធម៌សន្យាជួយ Angelina Jolie ពេញទំហឹងដើម្បីផលិតភាពយន្តពីកម្ពុជា

2015-08-03 21:15:23
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈបានជួបផ្ទាល់ជាមួយតារាហូលីវូដ Angelina Jolie អំពីដំណើរនៃការផលិតរឿង“First They Killed My Father ហើយលោក ជំទាវសន្យាជួយតារាហូលីវូដរូបនេះគ្រប់យន្តការ ដើម្បីការផលិតដំណើរទៅរលូន។

ជំទាវ ភឿង សកុណា ថ្លែងដូច្នេះ បន្ទាប់ពី Angelina Jolie បានមកកម្ពុជាកាលពីសប្ដាហ៍មុន ហើយបានជួបផ្ទាល់ជាមួយលោកជំទាវរដ្ឋមន្ត្រី ពិភាក្សាគម្រោងផលិតរឿង “First They Killed My Father” ដែលបរិយាយពាក់ព័ន្ធនឹងរបបខ្មែរក្រហម។ ភាពយន្តនេះ គ្រោងចាប់ផ្តើមតនៅចុងខែកក្កដានេះក្នុងនោះ តួសម្ដែង តាមការអះអាងរបស់ជំទាវ ភឿង សក្កណា តួសម្ដែង គឺជាតារាសម្ដែងរបស់ខ្មែរយើងទាំងអស់។

ដូច្នេះហើយ ក្នុងនាមជាថ្នាក់ដឹកនាំក្រសួងវប្បធម៌ លោកជំទាវអះអាងថា នឹងដុតដៃដុតជើងជួយឲ្យការថតនៃរឿងខាងលើនេះមានដំណើរការទៅយ៉ាងរលូន។

"ខ្ញុំបានជម្រាបទៅតារាហូលីវូដ Angelina Jolieថាក្រសួងនឹងត្រៀមនូវអ្វីទាំងអស់ដែលយើងអាចធ្វើបានដើម្បីសម្រួលបែបបទនីតិវិធីព្រមទាំងតារាការជួយរកតារាឬក៏កន្លែងថតធ្វើម៉េចឲ្យរឿងហ្នឹងមានដំណើរការទៅយ៉ាងងាយស្រួលនៅក្នុងប្រទេសកម្ពុជាយើង"។លោកជំទាវ បន្ថែម។

តាមដានប្រសាសន៍បន្ថែមរបស់លោកជំទាវរដ្ឋមន្ត្រី ចំពោះគម្រោងផលិតរឿង “First They Killed My Father” របស់ Angelina Jolie សូមទស្សនាវីដេអូខាងក្រោម ៖