កំពូលតារាបង្ហាញម៉ូដ ចាន់ គង់ការ ពិបាកចិត្តរឿងទម្ងន់

2015-08-04 13:21:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាបង្ហាញម៉ូដកម្ពុជា ចាន់ គង់ការ ដែលជាម្ចាស់ជ័យលាភីលេខ១នៃកម្មវិធី Cambodia's Next Top Model ឆ្នាំដំបូង កំពុងតែរអ៊ូ និងមិនសូវពេញចិត្តចំពោះរាងកាយដ៏ស្គមកំព្រឹងរបស់នាង ដោយបំណងចង់បាន៥គីឡូថែមទៀតទើបពេញចិត្ត។

"បងញ៉ាំច្រើនដែរ ប៉ុន្តែដឹងម៉េចអូនបានជាវាមិនធាត់ឡើងគីឡូសោះធ្វើការក៏ប៉ុណ្ណឹងដេកស៊ីក៏ប៉ុណ្ណឹង។ ឃើញបងរាងចឹងតិចថាបងអត់ពូកែញ៉ាំប៉ុន្តែអ្នកដឹងបានដឹងណាអូនបងញ៉ាំម្តង៣ចាន។និយាយរួមទៅបងមិនសូវពេញចិត្តនឹងរូបរាងប៉ុណ្ណឹងទេ អូនព្រោះវាស្គមពេកបើសិនជាអាចបងចង់ឡើងថែម៥គីឡូទៀត"។

ជាមួយគ្នានេះផងដែរ គង់ការ បានប្រាប់ថាថ្វីត្បិតតែរូបរាងនាងស្គមអីចឹងមែនប៉ុន្តែសុខភាពនាងល្អមានកម្លាំងមាំមួនមិនដែលមានជំងឺធ្វើឲ្យប៉ះពាល់ដល់សុខភាពនាងនោះឡើយ។

"ចំនុចសំខាន់របស់បងម្យ៉ាងដែរត្រង់ថាមិនដែលឈឺ...ឃើញថាស្គមចឹងទេប៉ុន្តែកម្លាំងមានពេញហើយសុខភាពក៏មិនមានអីជាបញ្ហាចោទទេអស់ហើយត្រឹមផ្តាសាយតិចតួច។ម្យ៉ាងអ្នកដែលគេស្គាល់បង គេថាបងដូចសត្វចម្លែកព្រោះញ៉ាំច្រើនមិនសមណារូបរាងស្គមកំព្រឹងដូចមនុស្សអត់បាយចឹងទេ(សើច)។ គង់ការ បញ្ជាក់។

ចំពោះរូបរាងស្គមហ្នឹង តារាម៉ូដែលធ្លាប់ឆ្លងកាត់ការតស៊ូក្នុងជីវិតរូបនេះពោលបន្ថែមថា មានការពាក់ព័ន្ធនឹងការសម្រាកផងដែរ។ ដោយសារតែរូបនាងធ្វើការងារហត់ពេញមួយថ្ងៃមិនសូវបានសម្រាកដូច្នេះអាហារដែលនាងញ៉ាំទាំងប៉ុន្មានក៏មិនអាចជួយទប់ទល់ឲ្យឡើងគីឡូបានដែរ។

ម៉ូដែលស្រីមានស្រុកកំណើតមកពីខេត្តបន្ទាយមានជ័យរូបនេះបានប្រាប់ថា កាលពីមុនពេលចូលសិល្បៈគឺរិតតែស្គមជាងរូបរាងនាងសព្វថ្ងៃទៅទៀត។ បើកុំតែបានហាត់ប្រាណយោង ម៉្លេះមិនសមនាងមានសាច់មានឈាមបានប៉ុណ្ណឹងទេ។ ប៉ុន្តែទោះជាយ៉ាងណាម៉ូដែលស្រីរូបនេះអះអាងថា នៅតែមិនទាន់ពេញចិត្តព្រោះគោលបំណងនាងចង់បាន៥គីឡូថែមទៀត។ សព្វថ្ងៃ ចាន់ គង់ការ មានទម្ងន់៤៧គីឡូក្រាម និងមានកម្ពស់ ១ម៉ែត្រ៧០៕

ចុះប្រិយមិត្តវិញ គិតថា គង់ការ កម្ពស់ប៉ុណ្ណឹង គីឡូប៉ុណ្ណឹង គួរឡើងបន្ថែមទៀតទេ?

អត្ថបទ៖ ថា ម៉ាលីដា