ភ្លៀងធ្លាក់លិចទឹកចូលផ្ទះ គួរប្រុងប្រយ័ត្នអ្វីខ្លះ?
- 2015-08-05 20:32:07
- ចំនួនមតិ 0 | ចំនួនចែករំលែក 0
ភ្លៀងធ្លាក់លិចទឹកចូលផ្ទះ គួរប្រុងប្រយ័ត្នអ្វីខ្លះ?
ចន្លោះមិនឃើញ
មួយរយៈនេះ ភ្លៀងធ្លាក់ខ្លាំងធ្វើឲ្យលិចផ្លូវហូរចូលផ្ទះ បង្កការលំបាកដល់ការរស់នៅនិងប៉ះពាល់ដល់សម្ភារៈរបស់ប្រជាជន។ លោក អ៊ុំ ណារី ប្រធាននាយកដ្ឋានឧតុនិយមនៃក្រសួងធនធានទឹកនិងឧតុនិយម បានណែនាំពីប្រការគួរប្រុងប្រយ័ត្នដើម្បីចៀសវាងការខូចខាតជាយថាហេតុដោយសារទឹកភ្លៀង។
លោកបានប្រាប់ថា ដោយសារពេលនេះកំពុងចំពាក់កណ្ដាលខែវស្សា ម្ល៉ោះហើយភ្លៀងនៅតែធ្លាក់ តែអាចបញ្ចប់នៅចុងខែតុលា ឬដើមខែវិច្ឆិកា។ ប៉ុន្មានថ្ងៃនេះ ភ្លៀងធ្លាក់ខ្លាំងធ្វើឲ្យជន់ជោរលិចផ្លូវ ចំណែកផ្ទះប្រជាជនដែលនៅទីទាបមួយចំនួនវិញ ត្រូវហូរចូលផ្ទះ។
ប្រធាននាយកដ្ឋានឧតុនិយមនៃក្រសួងធនធានទឹកនិងឧតុនិយមដដែលខាងលើថា ប្រជាជនគួរប្រុងប្រយ័ត្នចំពោះ គ្រឿងបរិក្ខារអគ្គិសនី។ ករណីដូចជាព្រីភ្លើងដោតទាបក្បែរកម្រាលឥដ្ឋ ពេលទឹកចូលវាអាចឆ្លងចរន្តអគ្គិសនី ត្រូវមានការប្រុងប្រយ័ត្ន។ ប្រការមួយទៀត គឺសម្ភារៈឬឥវ៉ាន់ដែលត្រូវទឹកងាយខូចដូចជាអង្ករជាដើម គួរដាក់ទីខ្ពស់ឬធ្នើរជាដើមចៀសវាងខាតបង់។
លោក អ៊ុំ ណារី បញ្ជាក់ថា ប្រជាជនគប្បីបង្កើនការប្រុងប្រយ័ត្នដើម្បីប្រយោជន៍ខ្លួន និងក្រុមគ្រួសារ ព្រមទាំងតាមដានព័ត៌មានអាកាសធាតុដើម្បីត្រៀមលក្ខណៈការពារជាមុន។ សម្រាប់លោកជាប្រធាននាយកដ្ឋានឧតុនិយមនៃក្រសួងធនធានទឹកនិងឧតុនិយមក៏ផ្ដល់ជាដំណឹងដាច់ខាតឲ្យបានមុន៣-៤ថ្ងៃដើម្បីឲ្យប្រជាពលរដ្ឋបានដឹង និងកាត់បន្ថយគ្រោះថ្នាក់ជាអតិបរមាផងដែរ៕
សូមអាន ៖ ទឹកទន្លេនៅកម្ពុជានឹងឡើង ឯតំបន់ទំនាបមួយចំនួនប្រឈមការលិច អត្ថបទ៖ លឹម សុនា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
