បើកឆាក Premier League បិសាចក្រហមរកបាន៣ពិន្ទុ ដោយសារមាន់ខ្នាយមាសភ្លាត់ស្នៀត

2015-08-09 15:56:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ផ្ដើមរដូវកាលថ្មីក្នុងការប្រកួតបាល់ទាត់ក្របខណ្ឌកំពូលរបស់ប្រទេសអង់គ្លេស English Premier League ក្រុមបិសាចក្រហម Manchester United បានរកជ័យជម្នះដំបូងគេ បន្ទាប់ពីខ្សែការពាររបស់ក្រុមមាន់ខ្នាយមាស Tottenham Hotspur ភ្លាត់ស្នៀតធ្វើឲ្យចូលទីខ្លួនឯង។

ជ័យជម្នះនេះគឺជាការចាប់ផ្ដើមដ៏ល្អមួយសម្រាប់លោក Louis van Gaal ផ្ទុយពីឆ្នាំមុនដែលត្រូវរងបរាជ័យក្រោមថ្វីជើងក្រុមក្ងានស Swansea ដោយលទ្ធផល ២-១ លើទឹកដី Old Trafford ដូចគ្នា។ មួយគ្រាប់បំបែកពងមាន់រហូតដល់ចប់ការប្រកួត គឺជាការស៊ុតចូលទីខ្លួនឯងរបស់កីឡាករវ័យ ២៥ឆ្នាំ Kyle Walker ដែលព្យាយាមឆក់យកបាល់ពីកំពូលខ្សែប្រយុទ្ធ Wayne Rooney។

ក្រុម Man Utd គ្មានឱកាសស៊ុតចំគោលដៅឡើយ រហូតដល់នាទីទី៦៥ ទើបកីឡាករ Ashley Young អាចស៊ុតបានមួយជើងស្ដាំ តែត្រូវអ្នកចាំទីក្រុម Spurs ជួយសង្គ្រោះបាន។ ឯក្រុមមាន់ខ្នាយមាសវិញ បានបង្ហាញភាពខ្លាំងតាំងពីចាប់ផ្ដើមការប្រកួតរហូតដល់ចុងបញ្ចប់ ដោយស៊ុតចំគោលដៅ ៦ដង៕