រវាង CBR 650F និង Ninja 650 តើមួយណាស្អាត និងស័ក្ដិសមជាង?

2015-08-11 15:42:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូរបស់ក្រុមហ៊ុន Honda ម៉ូដែល CBR 650F និង ម៉ូតូរបស់ក្រុមហ៊ុន Kawasaki ម៉ូដែល Ninja 650 គឺកំពុងត្រូវបានចរាចរណ៍លក់នៅលើទីផ្សារ ហើយម៉ូតូទាំងពីរម៉ូដែលនេះក៏កំពុងទទួលបានការគាំទ្រដូចគ្នា។ ដូច្នេះហើយទើបម៉ូតូទាំងពីរម៉ូដែលនេះកំពុងមានការប្រកួតប្រជែងគ្នានៅលើទីផ្សារ។ ដោយមានការគាំទ្រច្រើន ប្រហែលជាមានប្រិយមិត្តមួយចំនួនពិតជាចង់ដឹងពីលក្ខណៈសម្បត្តិរបស់ម៉ូតូទាំងពីម៉ូដែលនេះ។

ការរចនា៖ សម្រាប់អ្នកប្រើប្រាស់ភាគច្រើនគឺមានគំនិតខុសៗគ្នាទៅលើការឌីសាញរបស់ម៉ូតូទាំងពីរម៉ូដែលនេះ។ តែបើក្រឡេកមើលមួយភ្លែតដំបូង Honda CBR 650F និង Kawasaki Ninja 650 គឺមានរូបរាងដូចគ្នា។ ទាំងបែបបទនៃការរចនា និង តួខ្លួនរបស់វាគឺស្អាត គួរឲ្យទាក់ទាញ និងទំនើបទាន់សម័យដូចគ្នា។ បន្ថែមទៀតនោះ ម៉ូតូទាំងពីរម៉ូដែលនេះគឺត្រូវបានផលិតឡើងដោយក្រុមហ៊ុនក្នុងប្រទេសជប៉ុនដូចគ្នា។ ក្នុងការរចនា ម៉ូតូទាំងពីរនេះអាចប្រើសម្រាប់ការជិះផ្លូវឆ្ងាយ ក៏ដូចជាដំណើរកម្សាន្តនានា។

Kawasaki Ninja 650

ម៉ាស៊ីន៖ ក្រុមហ៊ុន Honda បានបំពាក់នូវម៉ាស៊ីនប្រភេទ ៤ តង់ មានប្រព័ន្ធខ្យល់ត្រជាក់, DOHC, កម្លាំងម៉ាស៊ីន ៦៤៩ សេសេ ដែលអាចផលិតថាមពលអតិបរមាបាន ៨៥,៨ សេះ និងកម្លាំងបង្វិលជុំម៉ាស៊ីនបាន ៦៣ ញ៉ូតុន-ម៉ែត្រ។ ចំណែកឯ Ninja 650 ក៏ត្រូវបានបំពាក់ដោយម៉ាស៊ីនកម្លាំង ៦៤៩ សេសេដែរ ប៉ុន្តែ វាអាចផលិតថាមពលអតិបរមាបាន ៧១ សេះ និងកម្លាំងបង្វិលជុំម៉ាស៊ីនបាន ៦៤ញ៉ូតុន-ម៉ែត្រប៉ុណ្ណោះ។ បន្ថែមទៀតនោះ CBR 650F គឺមានកម្លាំងបន្ថែម ១៤,៧ សេះ ដែលធ្វើឲ្យវារត់បានលឿនជាង Ninja 650។

Honda CBR 650F

លក្ខណៈនៃការជិះ៖ សម្រាប់ការរចនាផ្ទៃកែបរបស់វាគឺខុសគ្នា ដោយ Honda CBR 650F គឺមានកែបអង្គុយតែមួយ ចំណែកឯ Kawasaki Ninja 650 គឺមានកែបពីរដាច់ចេញពីគ្នា។ នៅផ្ទៃខាងក្រោមវិញ CBR 650F ត្រូវបានរចនាឡើងដោយមានកម្ពស់ស្រឡះពីដី ១៣៣ ម.ម ។ ចំណែកឯ Kawasaki Ninja 650 មានកម្ពស់ស្រឡះពីដី ១៣០ ម.ម។ ថ្វីត្បិតតែវាមានកម្ពស់ខុសគ្នាបន្តិចបន្តួចមែន តែនៅពេលបើកបរគឺអាស្រ័យទៅលើប្រភេទផ្លូវផ្សេងៗគ្នា។

តម្លៃ៖ ចំពោះតម្លៃម៉ូតូរបស់ក្រុមហ៊ុន Honda គឺត្រូវបានដាក់លក់ក្នុងប្រមាណជា ៨ ៤៩៩ ដុល្លារអាមេរិក (តម្លៃលើទីផ្សារអន្តរជាតិ) ។ សម្រាប់ Kawasaki Ninja 650 មានតម្លៃថោកជាង Honda CBR 650F បន្តិច ដោយវាត្រូវបានលក់ក្នុងតម្លៃប្រមាណជា ៧ ៥៩៩ ដុល្លារអាមេរិក (តម្លៃលើទីផ្សារអន្តរជាតិ) តែប៉ុណ្ណោះ។

លក្ខណៈសម្បត្តិបន្ថែម៖

លក្ខណៈសម្បត្តិ	Honda CBR 650F	Kawasaki Ninja 650
ទំហំមាឌ	៦៤៩ សេសេ	៦៤៩ សេសេ
ប្រភេទម៉ាស៊ីន	649cc Liguid-cooled, DOHC in-line four-cylinder	649cc Liguid-cooled, DOHC 8 valve 4-stroke Parallel Twin-cylinder
កម្លាំងម៉ាស៊ីនអតិបរមា	៨៥,៨ សេះ	៧១ សេះ
រង្វិលជុំអតិបរមា	៦៣ញ៉ូតុន-ម៉ែត្រ	៦៤ញ៉ូតុន-ម៉ែត្រ
ចំនួនស៊ីឡាំង	៤	២
ចង្កឹះលេខ	៦វគ្គ	៦វគ្គ
ទម្ងន់	២១៥ គីឡូក្រាម	២១១គីឡូក្រាម
ចំណុះធុងសាំង	១៧,៣ លីត្រ	១៦ លីត្រ
កម្អស់ស្រឡះពីដី	១៣៣ ម.ម	១៣០ ម.ម
បូមមុខ	ប្រភេទ Telescopic Forks	ប្រភេទ Telescopic Forks
បូមក្រោយ	ប្រភេទ Adjustable monoshock	ប្រភេទ Adjustable monoshock
ហ្វ្រាំងមុខ	ហ្រ្វាំងថាសទោលទំហំ ៣២០ម.ម	ហ្រ្វាំងថាសទោលទំហំ ៣០០ម.ម
ហ្វ្រាំងក្រោយ	ហ្រ្វាំងថាសទំហំ ២៤០ម.ម	ហ្រ្វាំងថាសទំហំ ២២០ម.ម
វិមាត្រ	២១០៧ម.ម x ៧៧០ម.ម x ១១៤៩ម.ម	២១១០ម.ម x ៧៧០ម.ម x ១១៨០ម.ម
ទម្ងន់	២១៥ គីឡូក្រាម	២១១គីឡូក្រាម
តម្លៃ	៨ ៤៩៩ ដុល្លារអាមេរិក (តម្លៃលើទីផ្សារអន្តរជាតិ)	៧ ៥៩៩ ដុល្លារអាមេរិក (តម្លៃលើទីផ្សារអន្តរជាតិ)