ស៊ូ ស៊ីរីកា ទៅអាមេរិក ១ ខែដើរលេងឲ្យឆ្អែតមុនមកវិញចូល.....?

2015-08-12 20:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងពន្លកថ្មី ដែលនិយមច្រៀងចម្រៀងភាសាអង់គ្លេស ស៊ូ ស៊ីរីកា បានមានឱកាសធ្វើដំណើរទៅកាន់ទឹកដីប្រទេសមហាអំណាចអាមេរិក ដើម្បីដើរលេងឲ្យឆ្អែតមុនចូលជាតារាក្នុងផលិតកម្មមួយ។

ស៊ូ ស៊ីរីកា បានឲ្យ Sabay ដឹងថា "តាមពិតទៅខ្ញុំមកអាមេរិកនេះគ្មានខាងណាគេអញ្ជើញទេ គឺមកដើរលេងដោយខ្លួនឯងរយៈពេល១ខែ ណាមួយខ្ញុំមានបងប្អូនរស់នៅទីនេះស្រាប់។ ម្យ៉ាងវិញទៀតមានឱកាសតែពេលនឹងទេ ព្រោះពេលទៅត្រលប់ទៅវិញខ្ញុំត្រូវចូលច្រៀងនៅផលិតកម្មមួយ តែសុំលាក់ឈ្មោះសិន ហើយពេលចូលច្រៀងអាចនឹងគ្មានពេលអាចដើរកម្សាន្តបាន”។

តារាវ័យ ២០ ឆ្នាំរូបនេះបានឲ្យដឹងទៀតថា នេះជាលើកទីពីរសម្រាប់នាង ហើយលើកនេះទៅតាំងពីថ្ងៃ ១ ដើមខែ សីហា និង ស្នាក់នៅរយៈពេលមួយខែ។ "ខ្ញុំចេញមកថ្ងៃ ១ សីហា ហើយបើមិនថ្ងៃ ២៧ ឬ ២៨ ខែ សីហា ខ្ញុំឡើងយន្តហោះទៅខ្មែរវិញហើយ”។

“ខ្ញុំក៏មិនទាន់ដឹងបានចុះកុងត្រាជាមួយគេឬ អត់ទេ តែដឹងតែមានឈ្មោះនៅក្នុងនោះហើយ។ ចាំពេលបានចូលស្រួលបួលខ្ញុំនឹងបង្ហាញឈ្មោះផលិតកម្មនោះឲ្យបងប្អូនទាំងអស់គ្នាដឹងភ្លាម”។

ថ្វីត្បិតតែមិនទាន់មានឈ្មោះបោះសំឡេងខ្លាំងក៏ពិតមែនតែ ស៊ូ ស៊ីរីកា ធ្លាប់បានទៅដើរលេងជាច្រើនប្រទេសហើយដែរ ដូចជា សិង្ហបុរី វៀតណាម ថៃ និង អាមេរិក ជាដើម៕