ឡើងឋានសួគ៌ដល់ចំណុចកំពូល ជួយសុខភាពបានច្រើន

2015-08-13 22:24:06
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការអះអាងរបស់វេជ្ជបណ្ឌិតជាច្រើនបានឲ្យដឹងថាការរួមភេទឲ្យដល់ចំណុចសុខស្រួលខ្លាំង ឬដល់ចំណុចកំពូលនៃតម្រេក អាចជួយសុខភាពបានច្រើន រាប់ចាប់ពីការពង្រឹងប្រព័ន្ធភាពស៊ាំ បង្កើនអារម្មណ៍ស្រស់ថ្លា ការពារជំងឺបេះដូង ជាដើម។ ខាងក្រោមនេះជាចំណុចល្អៗមួយចំនួនដែលអ្នកជំនាញជាច្រើនបានអះអាង៖

១. បង្កើនអារម្មណ៍ស្រស់ថ្លា

តាមការស្រាវជ្រាវរបស់លោក David Linden វេជ្ជបណ្ឌិតផ្នែកប្រព័ន្ធប្រសាទក្រុងញ៉ូវយក ដែលស្កេនពិនិត្យមើលលើខួរក្បាល បុរស ស្ត្រី រួមទាំងមនុស្សភេទទីបី ដែលបានប្រព្រឹត្តសិចដល់ចំណុចកំពូល បានរកឃើញលទ្ធផលថាការរូមភេទដល់ចំណុចកំពូល បានធ្វើជំរុញឲ្យខួរក្បាលមនុស្សបញ្ចេញសារធាតុម្យ៉ាងឈ្មោះ Dopamine ដែលបានបង្កើតឲ្យមានអារម្មណ៍រីករាយ។

២. ជួយឲ្យការគេងបានប្រសើរ

ការសិក្សាស្រាវជ្រាវមួយទៀតបានរកឃើញថា ក្នុងការរួមភេទ ជាមធ្យមនារីអាចឈានដល់ចំណុចកំពូល២៥វិនាទី ចំណែកបុរសមាន១៥វិនាទី។ អ្នកស្រាវជ្រាវបានរកឃើញទៀតថា ក្នុងចំណោមស្ត្រីអាមេរិកាំង២៦៣២នាក់ ដែលអាចរួមភេទដល់ចំណុចកំពូល គឺមាន៣៩ភាគរយ ឆាប់គេងលក់បានស្កប់ស្កល់។

៣. ពង្រឹងប្រព័ន្ធភាពស៊ាំការពារជំងឺ

ការស្រាវជ្រាវបានបង្ហាញថា ការរួមភេទមួយដងទៅពីរដងក្នុងមួយសប្ដាហ៍ ជួយបង្កើនកម្រិតសារធាតុ Immumnogobulin A ក្នុងឈាម។ សារធាតុមួយនេះអាចជួយពង្រឹងប្រព័ន្ធភាពស៊ាំក្នុងរាងកាយទប់ទល់នឹងជំងឺផ្សេងៗ។

៤. ធ្វើឲ្យស្បែកស្រស់ថ្លា

លោក Mervyn Patterson វេជ្ជបណ្ឌិតផ្នែកខាងរោគស្បែក ថាការរួមសិចដល់កំពូលទៀងទាត់ គឺប្រៀបដូចជាការផ្ទេរសារជាតិបំប៉ន ពីឈាមទៅកាន់ស្បែក។ វាជំរុញឲ្យសរសៃឈាមក្នុងស្បែកបើក ដែលធ្វើឲ្យស្បែកមានពណ៌ក្រហមស្រស់ថ្លា។

៥. ល្អសម្រាប់បេះដូង

ការស្រាវជ្រាវមួយរបស់អ៊ីស្រាអែល ដែលដឹកនាំដោយវេជ្ជបណ្ឌិតអង់គ្លេស Lisa Turner បានរកឃើញថា ស្ត្រីដែលមានអត្រាជំងឺបេះដូងខ្ពស់ គឺភាគច្រើនមានការរួមភេទដល់ចំណុចកំពូលតិចតួច។ ផ្ទុយមកវិញ ស្ត្រីដែលមានសិចដល់ចំណុចកំពូលច្រើន មានអត្រាជំងឺបេះដូងតិចតួចប៉ុណ្ណោះ៕

ចុចអាន៖ ៥យ៉ាងគួរដឹង ពេលនាំដៃគូឡើងគ្រែលើកដំបូង

ប្រែសម្រួល៖ មាន រតនា ប្រភព៖ dailymail