Samsung បង្ហាញនូវគម្រប Keyboard ឆ្លាតវៃថ្មីសម្រាប់ទូរសព្ទរបស់ខ្លួន

2015-08-14 16:17:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកម្មវិធីប្រកាសទូរសព្ទជំនាន់ថ្មី ដែលបានធ្វើឡើងកាលពីយប់មិញនេះ Samsung បានបង្ហាញនូវគម្រប Keyboard ឆ្លាតវៃដែលអាចធ្វើការវាយអក្សរបានយ៉ាងងាយ។

ក្រុមហ៊ុនបានឲ្យដឹងថា គម្រប Keyboard នោះគឺមានតម្លៃ ៨០ដុល្លារ ហើយអាចប្រើប្រាស់បានជាមួយនឹងទូរសព្ទ Galaxy Note 5, S6 Edge+ និង ពពួក S6 ដទៃទៀតបានផងដែរ។ គម្រប Keyboard នេះមានជាពីរផ្នែកគឺ ផ្នែកខាងក្រោយដែលដើរតួជាសម្បកការពារ និងផ្នែកខាងមុខប្រើប្រាស់សម្រាប់ការវាយអក្សរ។ ជាមួយគម្រប Keyboard នេះ អ្នកអាចធ្វើការវាយអក្សរបានយ៉ាងងាយស្រួលជាទីបំផុត ដោយសារតែពីតួអក្សរមួយ ទៅតួអក្សរមួយគឺមិនមានសភាពចង្អៀតនោះទេ។

អ្វីដែលពិសេសនោះគឺនៅពេលដែលយើងភ្ជាប់វាទៅនឹងទូរសព្ទ គឺអេក្រង់ទូរសព្ទនឹងធ្វើការកែសម្រួលទំហំរបស់វាឲ្យអ្នកអាចមើលឃើញបានគ្រប់ព័ត៌មាន។ មួយវិញទៀតគឺនៅពេលដែលដកវាចេញនោះអេក្រង់ទូរសព្ទនឹងត្រឡប់ទៅសភាពដើមវិញ ហើយការភ្ជាប់ និង ដោះនូវគម្រប Keyboard នេះគឺមានសភាពសាមញ្ញមែនទែន៕

-ចុចអាន៖ ឡានរលាយ ក្រោយទុកចោលក្រោមកម្ដៅថ្ងៃត្រឹម៣៧អង្សា

ប្រែសម្រួល៖ ហៃ សុខហេង ប្រភព៖ engadget