វីដេអូចម្រៀងអនុស្សាវរីយ៍ចុងក្រោយរបស់ EunB និង RiSe ក្រុម Ladies' Code

2014-09-16 22:36:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម Polaris Entertainment ដែលជាអាណាព្យាបាលរបស់ ក្រុមចម្រៀងនារី Ladies' Code បានបញ្ចេញវីដេអូចម្រៀងជាចំណងដៃចុងក្រោយ ដ៏រំជួលចិត្តមួយបទ " I'm Fine Thank You ” ក្នុងបំណងរំលឹកអនុស្សាវរីយ៍ចុងក្រោយ របស់សមាជិកពីររូប EunB និង Rise ដែលបានស្លាប់ទៅ ក្នុងឧប្បត្តិហេតុគ្រោះថ្នាក់ចរាចរណ៍ កាលពីថ្ងៃទី៣ ខែកញ្ញា កន្លងទៅថ្មីៗនេះ ។

បទចម្រៀងមួយបទ "I'm Fine Thank You" របស់ក្រុមចម្រៀងកូរ៉េនារី Ladies' Code បានជាប់ចំណាត់ថ្នាក់លេខ១ លើតារាងចម្រៀង ជាច្រើន បន្ទាប់ពីក្រុមនេះ ជួបឧប្បត្តិហេតុគ្រោះថ្នាក់ចរាចរណ៍ដ៏រន្ធត់ និងបានឆក់យកជីវិតសមាជិកក្រុម ពីររូប គឺ EunB និង Rise ឲ្យស្លាប់បាត់បង់ជីវិតទាំងវ័យក្មេង ។

ផលិតកម្ម Polaris Entertainment បានយកបទចម្រៀងដដែលនេះ ធ្វើជាកម្រងវីដេអូ អនុស្សាវរីយ៍ចុងក្រោយ រំលឹកនូវសកម្មភាពចាស់ៗរបស់ពួកគេ ។ ហើយអ្វីដែលរំជួលចិត្តនោះ គឺស្នាមញញឹមរបស់សមាជិកក្នុងក្រុម EunB និង Rise មុនពេលជួបហេតុការណ៍ដ៏អាក្រក់នេះ។

ការស្លាប់របស់ EunB និង Rise បានធ្វើឲ្យមិត្តរួមសិល្បៈ រួមទាំង អ្នកគាំទ្រមានការសោកស្ដាយយ៉ាងខ្លាំង និងនៅតែស្រឡាញ់ ហើយចងចាំអ្នកទាំងពីរនៅក្នុងចិត្តជារៀងរហូត ។ ពួកគេក៏បានជូនពរឲ្យសមាជិក៣នាក់ទៀតដែលកំពុងរងរបួស ឆាប់ជាសះស្បើយផងដែរ។

ទស្សនាវីដេអូរបស់ពួកគេខាងក្រោមទាំងអស់គ្នា៖

http://youtu.be/C7JYOzTl-ec

អាន៖Teen Top មានស្នេហាត្រីកោណក្នុងបទថ្មី “Missing”

ប្រែសម្រួល៖ វាចារ ប្រភព៖ allkpop