រកឃើញថ្មថ្មីចំណាយពេលសាកមហាលឿនត្រឹម ២ នាទីឡើងដល់ ៧០%

2014-10-15 15:00:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកវិទ្យាសាស្ត្រមកពីសាកលវិទ្យាល័យបច្ចេកវិទ្យា Nanyang (NTU) របស់សិង្ហបុរីបានអភិវឌ្ឍថ្មដែលអាចសាកបានលឿនបំផុតត្រឹម ២ នាទីអាចឡើងដល់ ៧០% និងអាចប្រើបានដល់ទៅ ២០ ឆ្នាំ។

បច្ចុប្បន្នថ្មធម្មតាដែលប្រើនៅលើទូរសព្ទ Tablet និងយានជំនិះអគ្គិសនីជាមធ្យមអាចសាកប្រើបាន ៥០០ដង។ ការសាកម្ដងគឺត្រូវចំណាយពេលប្រហែលពីរម៉ោងទើបពេញ និងអាចប្រើបាន ២ ទៅ ៣ឆ្នាំ។

ការរកឃើញថ្មីរបស់ក្រុមអ្នកវិទ្យាសាស្ត្រមកពី NTU នេះនឹងក្លាយជាការរួមចំណែកដ៏ធំក្នុងវិស័យបច្ចេកវិទ្យា។ ពួកគេកំពុងព្យាយាមបង្កើតថ្មគំរូពិតដ៏ធំមួយដើម្បីបញ្ជាក់ថា ការរកឃើញរបស់ពួកគេគឺពិតប្រាកដមែន។

ក្រុមអ្នកវិទ្យាសាស្ត្រដដែលរំពឹងថា បច្ចេកវិទ្យាថ្មីនឹងមកដល់ទីផ្សារនៅពីរឆ្នាំបន្ទាប់។ ការរកឃើញនេះនឹងជួយរួមចំណែកយ៉ាងធំធេងមិនត្រឹមតែឧបករណ៍អេឡិចត្រូនិកតែម៉្យាងទេ សូម្បីរថយន្តអគ្គិសនីក៏នឹងអាចសាកបានលឿនជាងមុនដែរ៕