ហេង ពិទូ ចង់បន្សល់ស្នាដៃក្នុងជីវិតចុងក្រោយជាតារាចម្រៀង

2015-08-20 17:29:49
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីស្ងាត់ចេញបទចម្រៀងនៅក្នុងផលិតកម្មសាន់ដេតារាចម្រៀង ហេង ពិទូ បានចេញបទ Original នៅលើបណ្ដាញ Youtube ដែលជាការសរសេរដោយខ្លួនឯងផ្ទាល់សម្រាប់ជីវិតមុននឹងលោកច្រៀងលែងកើតក្នុងវិស័យសិល្បៈនេះ។

លោកថ្លែងថា “អឺអូន...ខ្ញុំគិតថាយ៉ាងច្រើនខ្ញុំអាចច្រៀងបានត្រឹម៣-៤ឆ្នាំទៀតប៉ុណ្ណោះ អីចឹងដើម្បីបន្សល់អ្វីដែលជាស្នាដៃមួយរបស់ខ្លួនឯងផ្ទាល់មុននឹងខ្ញុំលែងច្រៀងកើត ខ្ញុំតាំងចិត្តថានឹងផលិតបទ Original ឲ្យបានច្រើនហើយខាងផលិតកម្មក៏បានលើកទឹកចិត្តឲ្យខ្ញុំបង្កើតអ្វីដែលថ្មីផងដែរ"។

ម្ចាស់បទ " បែកគ្នាទៅ" និយាយថា បើសិនជាអាចជៀសបាន លោកនឹងជៀស ឈប់ច្រៀងបទចម្លងពីគេហើយ ៖"ទោះបីជាក្នុង១ឆ្នាំខ្ញុំចេញបានតែ១ឬ២បទ ក៏ខ្ញុំសប្បាយចិត្តដែរឲ្យតែបទ Original ហើយណាមួយខ្ញុំចង់បានអ្វីដែលថ្មីសម្រាប់ជីវិតខ្ញុំ"។

បទចម្រៀង ២បទដែល ហេង ពិទូ ទើបនឹងចេញនៅលើបណ្តាញ យូធូប ថ្មីៗនេះមានចំណងជើងថា "បងបានរូបថតគេបានអូន" និងបទ "ទីបំផុត" ក្នុងមួយបទលោកនិយាយថាធ្វើរយៈពេល២ថ្ងៃហើយនឹងបន្តចេញថែមទៀតនៅក្នុងពេលឆាប់ៗនេះ។

ពិទូ បានប្រាប់ថាលោកមានគោលការណ៍របស់លោកក្នុងការបង្កើតបទ Original ហើយបើទោះជាពិបាកបន្តិចមែន ប៉ុន្តែដើម្បីខ្មែរមានបទខ្លួនឯងកាន់តែច្រើន និងបញ្ចៀសការរិះគន់នោះ លោកនឹងខិតខំធ្វើចាប់ពីពេលនេះតទៅ៕