បុរសដែលប្រើលុយរាប់ម៉ឺនដុល្លារកែមុខឲ្យដូច Justin បាត់ខ្លួនយ៉ាងអាថ៌កំបាំង

2015-08-25 16:46:26
ចំនួនមតិ 0 | ចំនួនចែករំលែក 0

ចន្លោះមិនឃើញ

Tobias Strebel ដែលជាអ្នកគាំទ្រដ៏ងប់ងុល និងហ៊ានចំណាយលុយផ្ទាល់ខ្លួនដល់ទៅ ១០ម៉ឺនដុល្លារដើម្បីកែសម្ផស្សឲ្យដូចតារាចម្រៀង Justin Bieber ត្រូវបានប៉ូលិសរាយការណ៍ថា បានបាត់ខ្លួនដោយគ្មានដំណឹងសូន្យឈឹង។

Tobias ត្រូវបានគេឃើញចុងក្រោយនៅផ្លូវ North Orange Grove Avenue ក្នុងទៅក្រុង West Hollywood រដ្ឋCalifornia កាលពីថ្ងៃទី ១៨ ខែ សីហា។ បើតាមការរាយការណ៍របស់មន្ត្រីប៉ូលិសនៅ Los Angeles ដែលហៅកាត់ថា LAPD បានបង្ហាញថា Tobias បានបាត់ខ្លួនទៅជាមួយឡាន Toyota Camry ពណ៌ប្រផេះស៊េរីឆ្នាំ ២០០៩មួយគ្រឿង។

តាមសម្ដីរបស់ Mel Espinoza ដែលជាមិត្តភ័ក្ដិ Tobias បានប្រាប់ ABC7 ថា៖"វាជារឿងមិនធម្មតាសម្រាប់ការបាត់ដំណឹងរបស់គាត់។ គាត់មិនបានធ្វើអ្វីទាំងអស់ និងមិនធ្លាប់បានបង្ហើបពីហេតុផលនៃបញ្ហាអ្វីដែរ ហើយក៏គ្មានសកម្មភាពអ្វីប្លែកដែរមុនបាត់ខ្លួន"។ មន្ត្រីប៉ូលិស LAPD ក៏បានប្រកាសផងដែរ ប្រសិននរណាមានដំណឹងពី បុរសវ័យ៣៥ឆ្នាំខាងលើសូមទំនាក់ទំនងមកប៉ូលិសជាបន្ទាន់។

Tobias Strebel ត្រូវបានទស្សនិកជនស្គាល់ តាមរយៈការបង្ហាញខ្លួនក្នុងកម្មវិធី "Botched” និង "My Strange Addiction” កាលពីឆ្នាំមុន បន្ទាប់ពីលោកព្យាយាមកែសម្ផស្សឲ្យដូច Justin Bieber ៕