ជំងឺភ័យខ្លាចរបស់តារាកូរ៉េ៨រូប ដែលអ្នកមិនធ្លាប់ឮពីមុនមក

2015-08-26 22:31:53
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សក្លាហានយ៉ាងណាក៏នៅតែមានអ្វីមួយដែលអាចធ្វើឲ្យពួកគេភ័យខ្លាច ដែលនេះអាចបណ្ដាលមកពីនិស្ស័យពីកំណើត ឬក៏ការឆ្លងកាត់ហេតុការណ៍តក់ស្លុតណាមួយ។ ងាកមកមើលតារាចម្រៀងកូរ៉េ៨រូបខាងក្រោមនេះវិញ ម្នាក់ៗសុទ្ធតែមានជំងឺភ័យខ្លាចប្លែកៗដែលអ្នកគាំទ្រភាគច្រើននឹកស្មានមិនដល់៖

១. Taeyeon (Girls' Generation)

ដោយសារតែចេញមុខលើទូរទស្សន៍ច្រើនពេកបានធ្វើឲ្យសមាជិករបស់ Girls' Generation មានជំងឺខ្លាចកាមេរ៉ា។

២. Luhan

អតីតសមាជិករបស់ក្រុមចម្រៀង Exo មានជំងឺខ្លាចទីខ្ពស់។ Luhan ធ្លាប់ប្រាប់ក្នុងបទសម្ភាសន៍មួយថា "ខ្ញុំខ្លាចទីខ្ពស់ៗ។ ឲ្យតែពេលចូលជណ្ដើរយន្តម្ដងៗ ខ្ញុំតែងតែភ័យខ្លាច។ ដោយសារតែពួកយើងឧស្សាហ៍ធ្វើដំណើរដោយយន្តហោះ ដូចនេះហើយខ្ញុំភ័យខ្លាចសឹងរាល់ថ្ងៃ"។

៣. Dasom (Sistar)

សមាជិកដែលមានទាំងសម្រស់និងទេពកោសល្យរបស់ក្រុមចម្រៀង Sistar រូបនេះមានជំងឺខ្លាចឡើងគីឡូ។ Dasom បាននិយាយថា នៅពេលដែលចូលកាមេរ៉ា សូម្បីតែឡើងគីឡូតែ១ខាំក៏អាចមើលដឹងដែរ។ Dasom បានបន្តទៀតថា ខ្លួនខ្លាចឡើងគីឡូដល់ថ្នាក់ពេលភ្លក់ម្ហូបហើយគឺខ្ជាក់មកវិញដោយសារតែខ្លាចឡើងគីឡូ។

៤. Dongwoon (Beast)

ទោះបីជា Dongwoon មានរូបរាងខ្ពស់ស្រស់សង្ហាក៏ពិតមែនតែមានរឿងមួយដែលអាចធ្វើឲ្យសមាជិករបស់ក្រុមចម្រៀងរូបនេះរត់ចោលស្បែកជើងបាន នោះគឺ សត្វល្អិត។ នៅពេលណាក៏ដោយមិនថាពេលសម្ដែងលើឆាក ឬនៅទីសាធារណក៏ដោយ ឲ្យតែ Dongwoon ឃើញសត្វល្អិតគឺដឹងតែ Dongwoon ភ្ញាក់គ្រញែងខ្លួនតែម្ដង។

៥. Sulli (F(x)

Sulli ធ្លាប់មានបទពិសោធន៍ដ៏តក់ស្លុតមួយគឺ កាលពីក្មេងអតីតសមាជិកក្រុមចម្រៀង F(x) ធ្លាប់លង់ទឹកស្ទើរបាត់បង់ជីវិត ដែលជាមូលហេតុបណ្ដាលឲ្យ Sulli ខ្លាចទឹកមកទល់សព្វថ្ងៃ។ ពេលតារាចម្រៀងមានអាយុ ២០ឆ្នាំ រូបនេះបានជម្នះការភ័យខ្លាចរបស់ខ្លួនដោយការជ្រមុជទឹក( Scuba Diving) ក្រោយពីនោះ នាងក៏លែងខ្លាចទឹកដូចមុន។

៦. Sojin (Girls' Day)

នៅប្រទេសកូរ៉េមុខម្ហូបដែលធ្វើពីជើងមាន់គឺមានភាពពេញនិយមខ្លាំង។ ហើយមុខម្ហូបដែលពេញនិយមខ្លាំងជាងគេគឺជើងមាន់ប្រឡាក់ជាមួយម្ទេសនិងស្ករ។ យ៉ាងណាវិញក៏មានអ្នកមិនចូលចិត្តមុខម្ហូបនេះដែរ នោះគឺសមាជិក Girls' Day Sojin។ Sojin បាននិយាយថា"ចំពោះខ្ញុំជើងមាន់មើលទៅមិនដូចមុខម្ហូបទាល់តែសោះ។ នៅពេលខ្ញុំមុខម្ហូបនេះខ្ញុំមានអារម្មណ៍ថាមាន់ហ្នឹងអាចរស់ឡើងវិញ ហើយវាយប្រហារមកលើខ្ញុំ"។

៧. Park Jiyoon

តារាចម្រៀងជើងចាស់រូបនេះមានជំងឺខ្លាចអ្នកគាំទ្រផ្កាប់មុខ។ កំឡុងទសវត្សឆ្នាំ ១៩៩០ មានពាក្យចចាមអារ៉ាមថាតារាចម្រៀងស្រីរូបនេះមានទំនាក់ទំនងស្នេហាជាមួយ Kangta ដែលធ្លាប់មានអ្នកគាំទ្រភាគច្រើនជាសិស្សានុសិស្ស។ កំឡុងពេលនោះសិស្សស្រីទាំងអស់នោះគំរាមកំហែង Jiyoon រាល់ថ្ងៃ រហូតដល់ថ្នាក់ធ្វើឲ្យ Jiyoon ខ្លាចឯកសណ្ឋានសិស្សវិទ្យាល័យ។

៨. Sunny (Girls' Generation)

សមាជិក Sunny របស់ Girls' Generation ធំដឹងក្តីឡើងក្នុងប្រទេសគុយវ៉ែតកំឡុងពេលមានសង្គ្រាមដែលឮតែសម្លេងគ្រាប់បែកនិងគ្រាប់កាំភ្លើង។ ដោយហេតុនេះហើយបានធ្វើឲ្យ Sunny ខ្លាចសម្លេងផ្ទុះ ជាពិសេសគឺកាំជ្រួច។ នៅពេលដែលមានកាំជ្រួចនៅលើឆាកម្ដងៗ Sunny តែងតែរត់ទៅពួននៅក្រោយខ្នងសមាជិករបស់ខ្លួន ៕

ចុចអាន៖តារាស្រី Kpop ទាំង១០ដែលមានសាច់ពោះស្អាតសិចស៊ីបំផុត

ចុចអាន៖តារាកូរ៉េដែលមានហាងកាហ្វេនិងភោជនីយដ្ឋានផ្ទាល់ខ្លួន

ប្រែសម្រួល៖ សុវណ្ណផៃ ប្រភព៖ koreaboo