តារាកូរ៉េដែលមានហាងកាហ្វេនិងភោជនីយដ្ឋានផ្ទាល់ខ្លួន

2015-08-17 18:02:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីអាជីពជាតារាចំរៀងនិងសម្ដែង តារាកូរ៉េមួយចំនួនក៏មានជំនួញផ្ទាល់ខ្លួនផងដែរ។ នៅក្នុងនោះដែរមានតារាជាច្រើនបានបើកជាភោជនីយដ្ឋាន និង ហាងកាហ្វេព្រោះវាមានភាពងាយស្រួលក្នុងការទាក់ទាញអតិថិជន ដោយសារពូកគេមានឈ្មោះល្បី និងមានអ្នកគាំទ្រស្រាប់។ ខាងក្រោមនេះជាភោជនីយដ្ឋាន និង ហាងកាហ្វេរបស់តារាកូរ៉េមួយចំនួន៖

១ "My Chi Chi's"

'My Chi Chi's' គឺជា ភោជនីយដ្ឋានបែបបុរាណរបស់តារាសម្ដែង Hong Suk Chun ដែលស្ថិតនៅម្តុំ Itaewon ។ លោក Hong Suk Chun មាន ភោជនីយដ្ឋានជាច្រើននៅតំបន់ Itaewon ។ ភោជនីយដ្ឋានរបស់លោក Hong Suk Chun មានមុខម្ហូបជាច្រើនពីក្រៅប្រទេសដូចជា អ៊ីតាលី បារាំង ជប៉ុន និង បណ្តាប្រទេសដទៃទៀត។

២ “Yeolbong Andong Chicken”

“Yeolbong Andong Chicken” គឺជាភោជនីយដ្ឋានរបស់ តារាចម្រៀង Se7en។ ក្រៅពីអាជីពជាអ្នកចម្រៀង Se7en ក៏ជាម្ចាស់ភោជនីយដ្ឋានមួយនៅតំបន់ Hongdae ផងដែរ។ រសជាតិអាហាររបស់ភោជនីយដ្ឋាននេះ មានតាំងពីអត់ហឹររហូតដល់ហឹរខ្លាំង។

៣ “401 LOCO Quan”

Haha សមាជិករបស់ Running Man ពាំនាំរសជាតិអាហារពីទីក្រុង Jamaica មកទីក្រុង Seoul។ Haha តែងតែមកជួយលក់នៅភោជនីយដ្ឋានរបស់ខ្លួន។ ភោជនីយដ្ឋាន “401 LOCO Quan” មានទីតាំងស្ថិតនៅតំបន់ Myoeng Dong។

៤ " Mouse Rabbit Cafe”

Mouse Rabbit Cafe គឺជាហាងកាហ្វេរបស់តារាចម្រៀង Yesung សមាជិកក្រុមចម្រៀង Super Junior និងប្អូនប្រុសរបស់គេ។ ហាងកាហ្វេនេះត្រូវបានបើកក្នុងឆ្នាំ ២០១២ និងមាន៣សាខាខុសគ្នាស្ថិតនៅ តំបន់Apgujoeng Sinsadong និងតំបន់ Hongdae។

៥ "Sulbing Cafe”

Sulbing Cafe គឺជាកម្មសិទ្ធិរបស់សមាជិក Jonghyun ក្រុម CNBLUE។ នៅក្នុងកម្មវិធី "We Got Married” ថ្មីៗនេះ Jonghyun បាននាំប្រពន្ធក្លែងក្លាយរបស់ខ្លួនមកហាងកាហ្វេនេះ។ ហាងកាហ្វេនេះមានទីតាំងស្ថិតនៅ Shillim។