ទោះបី​អ្នកគាំទ្រ​ជាច្រើន​សប្បាយ​ចិត្ត ពេល​ឃើញ​អតីត​តារា​ចម្រៀង​ក្រុម f(x) នាង Sulli បើក​គណនី Instagram ក៏​ដោយ ប៉ុន្តែ​អ្នក​លេង​អ៊ីនធឺណិត​ខ្លះ បាន​សម្ដែង​ការ​មិន​ពេញ​ចិត្ត និង​ ប្រើ​ពាក្យសម្ដី​មិនសមរម្យ "​ស្រី​រក​ស៊ី​ផ្លូវភេទ" មក​លើ​នាង។

ក្រោយ​បង្ហោះ​រូប​​ពីរ​បី​សន្លឹក លើ Instagram ជា​លើក​ដំបូង មនុស្ស​មួយ​ចំនួន​សរសេរ Comment អាក្រក់ៗ​ថា " Choi Jin Ri ជា​ស្រី​ខូច សូម​ទៅ​វិញ (កន្លែង​រកស៊ី) យក​កូន​ឱ្យ​បាន​ច្រើន" រួម​នឹង​សម្ដី​មិន​គួរ​ឱ្យ​ចង់​ស្ដាប់​ផ្សេងៗ​ទៀត។

យ៉ាងណាមិញ អ្នក​គាំទ្រ​ស្មោះស្ម័គ្រ ក៏​បាន​បញ្ចេញ​មតិ​ការពារ Idol របស់​ខ្លួន​ថា “វា​ជា​ជម្រើស​ផ្ទាល់​ខ្លួន​​របស់​អ្នក ថា​តើ​អ្នក​ចូលចិត្ត ឬ​ស្អប់ Sulli តែ​សម្ដី​ទាំង​នេះ​ពិត​ជា​អាក្រក់​ខ្លាំង​ណាស់ ហើយ​អ្នក (Sulli) គួរ​តែ​ប្ដឹង​ពួកគេ!”។

គួរ​បញ្ជាក់​ថា កាល​ពី​ចុង​ខែ​មិថុនា ឆ្នាំ​២០១៥ Sulli បាន​សម្រេច​ចិត្ត​ដក​ខ្លួន​ពី​ក្រុម f(x) ជា​ផ្លូវការ ដោយ​នាង​ងាក​មក​ផ្ដោត​លើ​អាជីព​សម្ដែង​វិញ៕

ជំងឺ​​​ភ័យ​ខ្លាច​​របស់​តារា​កូរ៉េ​៨​រូប​ ​ដែល​​​អ្នក​មិន​ធ្លាប់​ឮ​ពី​មុន​មក

ប្រែ​សម្រួល៖ អ៊ុំ សុភក្តិ ប្រភព៖ allkpop