មិនធម្មតា! សុខ ពិសី ប្រើទូរសព្ទតម្លៃជិត ១០ ០០០ ដុល្លារ?

2015-08-31 20:36:23
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះ សុខ ពិសី បានបង្ហោះរូបថតពីរសន្លឹក ដែលបានបង្ហាញពីទូរសព្ទស៊េរីទំនើប ១ គ្រឿងម៉ាក VERTU តម្លៃជិត ១០ ០០០ ដុល្លារ ធ្វើឲ្យមានការភ្ញាក់ផ្អើលដល់ទស្សនិកជនជាច្រើនចាប់អារម្មណ៍ និង បានចោទជាចម្ងល់ថា តើនោះជាទូរសព្ទរបស់នាង មែន ឬ មិនមែន?

ចំពោះការលើកឡើងខាងលើត្រូវបានតារាចម្រៀងដែលត្រូវបានអ្នកគាំទ្រហៅថា "ម៉ាក់សី” ពេញៗមាត់រូបនោះបានឲ្យដឹងថា "អូហ៎បង! រូបខ្ញុំបង្ហោះលេងកាលពីម្សិលមិញនឹង គឺជា ទូរសព្ទរបស់បងប្អូនមិនមែនរបស់ខ្ញុំទេ ហើយខ្ញុំកាន់វាព្រោះចាប់អារម្មណ៍នឹងរូបរាងប្លែករបស់វានេះឯង បន្ទាប់មកពួកគាត់ (បងប្អូន) ក៏លួចថត ពេលឃើញរូបស្អាតខ្ញុំក៏ផុសវាលេងទៅ។"

កញ្ញាបានបន្ថែមថា បងប្អូនរបស់នាង ពួកគាត់ឲ្យនាងយកទូរសព្ទនោះមកប្រើដែរ តែនាងបដិសេធ ព្រោះកម្មវិធីរបស់វាអត់ត្រូវចំណង់ចំណូលចិត្ត។ "គាត់ឲ្យយកមកទុកប្រើដែរ ព្រោះបងប្អូនពួកខ្ញុំស្និទ្ធស្នាលគ្នាណាស់របស់គាត់ដូចរបស់ខ្ញុំ របស់ខ្ញុំដូចរបស់គាត់ដែរ។ តែខ្ញុំអត់ចូលចិត្តកម្មវិធីរបស់វាទេ ព្រោះខ្ញុំចូលចិត្តលេងហ្គេមណាស់ ហើយខ្ញុំចូលចិត្តទូរសព្ទប្រភេទស្មាតហ្វូនជាង។”

ពេល Sabay សួរដេញដោលពីតម្លៃវិញ តារាសាច់សខ្ចីរូបនេះបានប្រាប់ថា "ទូរសព្ទនេះគាត់ទិញយូរហើយ រីឯតម្លៃរបស់វាវិញ គឺប្រហែលជា ៨០០០ ដុល្លារ ឬប្រហែលជាជិត ១០០០០ ដុល្លារអីនឹង ព្រោះខ្ញុំក៏អត់ប្រាកដដែរ។"

ចំពោះមតិយោបល់អ្នកគាំទ្របាននិយាយថា សុខ ពិសី គឺជា តារាចម្រៀង និង ជាតារាសម្ដែងស្រីជួរមុខប្រចាំផលិតកម្មសាន់ដេ ដូចនេះត្រឹមលទ្ធភាពទិញទូរសព្ទបែបនោះប្រហែលជានាងគ្មានបញ្ហាអីទេ៕

អត្ថបទ៖ទ្រី រ៉ាវី រូបថត៖Facebook