«ស្រទន់មន្តស្នេហ៍» ប្រលោមលោកល្អផ្ដាច់ប្រចាំឆ្នាំ
- 2015-09-02 16:57:24
- ចំនួនមតិ 0 | ចំនួនចែករំលែក 0
«ស្រទន់មន្តស្នេហ៍» ប្រលោមលោកល្អផ្ដាច់ប្រចាំឆ្នាំ
ចន្លោះមិនឃើញ
មិត្តអ្នកអានធ្លាប់បានដឹងពីស្នាដៃដ៏ល្បី និងជក់ចិត្តរបស់អ្នកនិពន្ធ ម៉ីសន សុធារី រួចមកហើយ ដូចជារឿង «កិច្ចសន្យាស្នេហាយើង» និងរឿង «ថ្ងៃមុនស្អប់ ថ្ងៃនេះស្រលាញ់» ដែលមានអ្នកចូលអានច្រើនជាងគេ ទោះបីជាមានច្រើនភាគក៏ដោយ។ សម្រាប់ឆ្នាំនេះវិញ ប្រលោមលោក Sabay ក៏នឹងត្រៀមចេញផ្សាយរឿងថ្មីមួយទៀតរបស់អ្នកនិពន្ធខាងលើ គឺរឿង «ស្រទន់មន្តស្នេហ៍»។
រឿងថ្មីដែលនឹងចេញផ្សាយនេះ និយាយដំណើរជំពាក់វាក់វិនក្នុងវិស័យសិល្បៈខ្មែរ ទាំងក្នុងបញ្ហាជីវិត និងស្នេហារបស់តួអង្គទាំងអស់ ស្ដែងចេញឱ្យឃើញនូវការឌឺដង ប្រចែប្រចណ្ឌ ច្រណែនឈ្នានីស និងស្នេហាផ្អែមល្ហែមដូចទឹកឃ្មុំ។
DM Empire គឺជាក្រុមហ៊ុនពិធីការដ៏ល្បីឈ្មោះមួយ ដោយមាននាយកផ្នែកពាណិជ្ជកម្មដ៏ស្រស់សង្ហា តែល្បីថាជាព្រាននារី មានសង្សារមិនតិចនាក់។ នៅមិននៅ ដេត ភូមិន្ទ ដែលជានាយកដ៏សង្ហា និងពូកែខាងកូតទ្រនោះបែរជាយកក្មេងស្រីនៅមណ្ឌលកុមារកំព្រាម្នាក់ មកធ្វើជាមេពិធីការក្នុងក្រុមហ៊ុន ទាំងគ្មានបទពិសោធន៍ ឬចំណេះដឹងខាងការងារនេះទាល់តែសោះ។ រឿងនេះបានធ្វើឱ្យអ្នកនៅក្នុងក្រុមហ៊ុនខ្សឹបខ្សៀវគ្នា ហើយស្រីស្អាតតារាបង្ហាញម៉ូដល្បីឈ្មោះ និងជាសង្សាររបស់ភូមិន្ទ ឆេះដុំយ៉ាងខ្លាំង។
តើក្មេងស្រីដែលដេត ភូមិន្ទ យកមកធ្វើការនោះជាអ្នកណា? ហើយតើសាច់រឿងខាងក្រោយទៀតប្រទាក់ក្រឡាគ្នា និងមានបញ្ហាចាក់ស្រេះខ្លាំងកម្រិតណា? កុំភ្លេចរង់ចាំអានរឿង «ស្រទន់មន្តស្នេហ៍» ដែលនឹងផ្សាយនៅថ្ងៃចន្ទ ទី១៤ កញ្ញា ខាងមុខនេះហើយ!
ដោយ៖ សុគន្ធី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
