ឡានទំនើប៥ម៉ូដែល ធ្វើឲ្យអតិថិជនរំជួលចង់បាន តែមិនដែលឃើញលក់លើទីផ្សារ

2015-09-07 20:23:44
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានបង្ហាញរូបរាង និងឈ្មោះភ្លាម រថយន្តទំនើបៗដែលមានការរចនាយ៉ាងស្អាតៗខាងក្រោមនេះបានធ្វើឲ្យអ្នកប្រើប្រាស់ជាច្រើនពិតជាចង់ទិញយកមកប្រើប្រាស់។ ប៉ុន្តែការទន្ទឹងរង់ចាំរបស់ពួកគេចេះតែបន្ត ព្រោះរហូតមកដល់ពេលនេះ គេមិនទាន់ឃើញវត្តមានរបស់រថយន្តទាំងនេះនៅលើទីផ្សារនៅឡើយទេ។

Lotus Esprit

Lotus Esprit គឺជាឡានស្ព័រទំនើបមួយម៉ូដែល ដែលមានឈ្មោះបោះសំឡេងយ៉ាងខ្លាំងក្នុងទីក្រុងប៉ារីសកាលពី៥ឆ្នាំមុន។ រថយន្តម៉ូដែលនេះគឺត្រូវបានរំពឹងទុកថា នឹងដាក់លក់នៅលើទីផ្សារក្នុងឆ្នាំ ២០១២ ប៉ុន្តែអ្នកប្រើប្រាស់បានតែទន្ទឹងរង់ចាំតែប៉ុណ្ណោះ ព្រោះរហូតមកដល់សព្វថ្ងៃនេះគឺមិនទាន់ឃើញមានវត្តមាននៅលើទីផ្សារនៅឡើយនោះទេ។

Elise

មិនខុសពី Lotus Esprit នោះទេរថយន្តម៉ូដែល Elise នេះគឺត្រូវបានរំពឹងទុកថា នឹងមានវត្តមាននៅលើទីផ្សារនៅពាក់កណ្ដាលឆ្នាំ ២០១៥ នេះ។ តែមកដល់ពេលនេះ គេពុំទាន់ឃើញ Elise ត្រូវបានប្រើប្រាស់ដោយអតិថិជនម្នាក់ណានោះទេ។

Dodge Circuit EV

Dodge Circuit EV គឺជាប្រភេទរថយន្តអគ្គិសនីមួយដែលបំពាក់ដោយម៉ូទ័រអគ្គិសនី មានកម្លាំងដល់ទៅ ២៦៨សេះ ហើយក្រុមហ៊ុនផលិតឡានរបស់អាមេរិកដែលបានបង្ហាញរថយន្តម៉ូដែលនេះត្រូវបានរំពឹងទុកថា នឹងដំណើរការលក់រថយន្តម៉ូដែលនេះនៅលើទីផ្សារតាំងពីចុងឆ្នាំ ២០០០ មកម៉្លេះ។ ប៉ុន្តែរហូតមកដល់ពេលនេះ Dodge Circuit EV នៅតែស្ថិតក្នុងការរំពឹងទុកដដែល។

Jaguar C-X75

Jaguar C-X75 គឺត្រូវបានលេចរូបរាងគំរូឡើងក្នុងឆ្នាំ ២០១០ ហើយវត្តមានរបស់វាគឺមានគោលបំណងប្រកួតប្រជែងជាមួយនឹងរថយន្តទំនើបដូចជា Porsche 918 Spyder, Ferrari LaFerrari, ឬ McLaren P1។ ប៉ុន្តែរហូតមកដល់ពេលនេះគឺមិនទាន់ឃើញស្រមោលរបស់ Jaguar C-X75 ដាក់លក់នៅលើទីផ្សារនៅឡើយនោះទេ។

Fisker Atlantic

Fisker Atlantic គឺជាប្រភេទរថយន្ត Hybrid ដែលជាគូប្រជែងជាមួយនឹងម៉ូដែល Tesla Model 3។ រថយន្តម៉ូដែលនេះគឺត្រូវបានគេរំពឹងទុកថា នឹងដាក់លក់នៅលើទីផ្សារនៅចុងឆ្នាំ ២០១០ ហើយកាលបរិច្ឆេទនៃការដាក់លក់ចេះតែពន្យារពេលដល់ឆ្នាំ ២០១៣ , ២០១៤ ហើយក៏បន្តរហូតមកដល់សព្វថ្ងៃនេះ៕

អានបន្ត៖ រថយន្តស៊េរីចាស់ រាងសាមញ្ញ តែតម្លៃមិនក្រោម១០លានដុល្លារ

ប្រែសម្រួល៖ សំនៀង ប្រភព៖ laodong