វីជេ មីនជីន សមត្ថភាពនិយាយភាសាចិនមិនធម្មតា!

2015-09-21 15:54:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីការិនីវ័យក្មេងប្រចាំស្ថានីយទូរទស្សន៍ PPCTV វីជេ មីនជីន គឺជា អ្នកសិល្បៈជំនាន់ក្រោយដែលមានសមត្ថភាពអាចនិយាយភាសាចិនបានល្អមិនចាញ់តារាចម្រៀងស្រី លី អ៊ីវ៉ាធីណា ប៉ុន្មានទេ។

ក្នុងបទសម្ភាសន៍ជាមួយ Sabay ពិធីការរិនីដែលមានឈ្មោះក្នុងបញ្ជីជាតិ មីនជីន បានឲ្យដឹងថា"ខ្ញុំបានចូលប្រឡូកក្នុងវិស័យសិល្បៈថ្មីៗនេះដែរទេ ហើយខ្ញុំអាចនិយាយបាន បីភាសា គឺចិន ទាចៀវ កុងឺ អង់គ្លេស និងខ្មែរ។”

នាងបានឲ្យដឹងថា ភាសាចិនគឺចេះតាំងពីកើតមកម្ល៉េះ ហើយចាប់ផ្ដើមចូលរៀននៅអាយុ៨ ឆ្នាំ។ ចំណែកភាសាខ្មែរ ទើបចូលរៀនអាយុ ១០ ឆ្នាំហើយនេះទេ។ មិនត្រឹមតែប៉ុណ្ណោះសិស្សសាលាលិបឃុនរូបនេះធ្លាប់បានទៅប្រទេសចិនជាច្រើនដង ទាំងបង្ហាញទេពកោសល្យសិល្បៈ និងទៅទស្សនកិច្ចផ្សេងៗតំណាងប្រទេសទៀតផង។

“ចាបង ខ្ញុំធ្លាប់បានទៅចិនច្រើនដងដែរ ដោយធ្លាប់ទៅបោះជុំរុំ ពីរដង និងឆ្នាំ ២០១៤ ទៅប្រកួតកម្មវិធីស្ពានភាសាចិនក្រោមអាយុ១៨ ឆ្នាំ ដែលមានប្រទេស ៦៧ ចូលរួម និងបេក្ខជនជាង ១៣០ នាក់ ហើយពេលនោះខ្ញុំជាប់ចំណាត់ថ្នាក់លេខពីរ។”

ឆ្នាំ ២០១៤ មីនជីន ធ្លាប់បានប្រកួតកម្មវិធី Sunplay និងជាប់ចំណាត់ថ្នាក់លេខ ១ និងកាលពីខែ មិថុនា ឆ្នាំ ២០១៥ នេះកញ្ញាបានប្រកួតកម្មវិធីនារីវ័យឆ្លាតបច្ចេកវិទ្យាដែលទទួលបានចំណាត់ថ្នាក់លេខពីរទៀត។

ឈីវ មីនជីន ដែលជាឈ្មោះភាសាចិននោះបានបន្ថែមទៀតថា នាងចេះច្រៀងហ៊ីចិន របាំក្ងោកចិន ចេះច្រៀងចម្រៀងម៉ុងហ្គោលី និងរបាំជនជាតិទីបេទៀតផង។ មុន និងចូលសិល្បរហូតមកដល់បច្ចុប្បន្នកញ្ញា ក៏ជាគ្រូបង្រៀនភាសាចិននៅសាលាឯកជនមួយកន្លែងដែរ៕