ចូលរួមស្វែងយល់ពីសង្គ្រាមរូបិយប័ណ្ណពិភពលោកនៅ Mango Mango ស្អែកនេះ

2015-09-18 22:44:07
ចំនួនមតិ 0 | ចំនួនចែករំលែក 58

ចន្លោះមិនឃើញ

ក្រុមហ៊ុន GoldFX (GFX) នឹងរៀបចំចាប់ផ្ដើមពិធីណែនាំឲ្យស្គាល់ពីការប្រកួតហ្គេមអនឡាញសង្គ្រាមរូបិយប័ណ្ណពិភពលោក (CWW) នៅភោជនីយដ្ឋាន Mango Mango នៅថ្ងៃសៅរ៍ ទី ១៩ កញ្ញាស្អែកនេះចាប់ពីម៉ោង ៩ ដល់ ៩: ៣០ នាទីយប់។

សង្គ្រាមរូបិយប័ណ្ណពិភពលោកជាការកម្សាន្តហ្គេមអនឡាញមួយដែលផ្ដល់ចំណេះដឹងពាក់ព័ន្ធទៅនឹងការទិញ-លក់រូបិយប័ណ្ណពិភពលោក។ អ្នកលេងហ្គេមមួយនេះហាក់បីដូចជាអ្នកកំពុងទិញ-លក់រូបិយប័ណ្ណពិតៗ ហើយក្រោយយល់ដឹងហើយ ពួកគេអាចយកចំណេះដឹងនោះទៅប្រើក្នុងទីផ្សារទិញ-លក់រូបិយប័ណ្ណពិតបានដោយខ្លួនឯង។

ការប្រកួតសង្គ្រាមរូបិយប័ណ្ណពិភពលោកដំណាក់កាលទី ១ នឹងធ្វើឡើងនៅថ្ងៃទី២៩ តុលាខាងមុខពីម៉ោង ២ រសៀល ដល់ម៉ោង ៨ ល្ងាច។ នៅយប់ថ្ងៃសៅរ៍ទី ១៩ កញ្ញា ស្អែកនេះ ក្រុមហ៊ុន GFX នឹងណែនាំអ្នកដែលមានចំណាប់អារម្មណ៍ពាក់ព័ន្ធនឹងលក្ខន្តិកៈ វិធីចូលលេង និងព័ត៌មានលម្អិតផ្សេងៗទៀតពីកម្មវិធី។ លោកអ្នកអាចចូលរួមស្ដាប់ការណែនាំ ឬបើមានចម្ងល់អាចសួរ និងចុះឈ្មោះដើម្បីប្រកួតនៅថ្ងៃនោះបាន។

បើតាមការឲ្យដឹងរបស់ក្រុមហ៊ុន ការប្រកួតនេះគឺអាចមានអ្នកចូលរួមចន្លោះពី ២៤០-២៨០ នាក់ ដោយបែងចែកជា ៨ ក្រុម និង ៣០ នាក់ក្នុងមួយក្រុមដើម្បីប្រកួតប្រជែង។ នៅចុងបញ្ចប់នៃការប្រកួត អ្នកដែលឈ្នះ (ជាបុគ្គល) នឹងទទួលបានសាច់ប្រាក់សុទ្ធចំនួន ១០០០ ដុល្លារ និងឥណទានបន្ថែម ៥០០ ដុល្លារទៅក្នុងគណនីពិត (live account) ដើម្បីធ្វើការទិញ-លក់ដោយផ្ទាល់នៅលើទីផ្សាររូបិយប័ណ្ណបាន។ ចំណែកសមាជិកក្រុមម្នាក់ៗនឹងទទួលបានឥណទាន ១០០ ដុល្លារទៅក្នុងគណនីពិត (live account) របស់ពួកគេ ហើយក្រុមទាំងមូលនឹងទទួលបានការអញ្ជើញជាពិសេសទៅបន្ទប់ខារ៉ាអូខេនៅក្លឹប Epic ញ៉ាំស្រាសាំប៉ាញ និងស្រាបៀរដើម្បីអបអរនឹងជ័យជម្នះនោះទៀតផង។