Man Utd ឈ្នះ Southampton ប្រផុតប្រផើយ តែ Liverpool បានត្រឹមស្មើ

2015-09-21 13:32:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបិសាចក្រហម Manchester United បានយកឈ្នះក្រុមម្ចាស់ផ្ទះ Southampton ៣-២ ក្នុងសប្ដាហ៍ទី៦ នៃ Premier League ខណៈក្រុមហង្សក្រហម Liverpool បានត្រឹមស្មើក្រុមភ្ញៀវ Norwich City ១-១។

កីឡាករបារាំងវ័យក្មេង Anthony Martial ជាអ្នកធ្វើឲ្យអ្នកគាំទ្រ Man Utd រីកមុខរីកមាត់ ដោយអាចស៊ុតចូល២គ្រាប់ នៅនាទី៣៤ និង៥៦ ក្រោយ Graziano Pelle ស៊ុតឲ្យ Southampton នាំមុខនៅនាទី១៣។

Juan Mata ជាអ្នកបន្ថែមគ្រាប់ទី៣ ឲ្យក្រុមលោក Louis van Gaal នៅនាទី៦៨ មុនពេល Pelle ស៊ុតសង១គ្រាប់ទៀត នៅ៤នាទីមុនចប់ការប្រកួត។

លទ្ធផលនេះ ធ្វើឲ្យបិសាចក្រហមឡើងឈរលេខ២ក្នុងតារាង តាមពីក្រោយក្រុម Manchester City តែ២ពិន្ទុប៉ុណ្ណោះ។

ចំណែក Liverpool វិញ អាចរកបានត្រឹម១ពិន្ទុប៉ុណ្ណោះក្នុងដីខ្លួនឯង ក្រោយស្មើ Norwich ១-១។ Danny Ings ជាអ្នកបំបែកពងមាន់ឲ្យ Liverpool ប៉ុន្តែ Russell Martin អាចស៊ុត១គ្រាប់សងវិញឲ្យក្រុមភ្ញៀវ។ អ្វីដែលគួរឲ្យចាប់អារម្មណ៍ក្នុងការប្រកួតនោះ គឺការត្រលប់មកវិញនៃខ្សែប្រយុទ្ធ Daniel Sturridge របស់ហង្សក្រហម ដែលរងរបួសអស់រយៈពេល៥ខែមកហើយនោះ។