នារីម្នាក់មានសំណាងបានក្លាយជាម្ចាស់ iPhone 6s ពណ៌ស៊ីជម្ពូមុនគេបង្អស់

2015-09-22 21:49:07
ចំនួនមតិ 0 | ចំនួនចែករំលែក 0

ចន្លោះមិនឃើញ

អតិថិជនរបស់ក្រុមហ៊ុន Apple មួយរូបមានភាពភ្ញាក់ផ្អើលយ៉ាងខ្លាំង នៅពេលបានក្លាយជាអតិថិជនដែលទទួលបានទូរសព្ទ iPhone 6s ពណ៌ស៊ីជម្ពូប្រើប្រាស់ដំបូងគេបង្អស់។

អតិថិជនមួយរូបនោះមានឈ្មោះថា Adrienne Alpern ជាអ្នកឌីហ្សាញក្រាហ្វិក រស់នៅក្នុងរដ្ឋ Califonia សហរដ្ឋអាមេរិក។ នាងបានធ្វើការបង្ហោះរូបភាពទូរសព្ទ iPhone 6s ពណ៌ស៊ីជម្ពូនៅលើបណ្ដាញ Twitter របស់នាង ដើម្បីឲ្យដឹងថា ការកុម្ម៉ង់របស់នាងគឺលឿនជាងការរំពឹងទុក ដែលធ្វើឲ្យនាងក្លាយជាអតិថិជនទីមួយរបស់ទូរសព្ទស៊េរីនេះ។

ទូរសព្ទជាច្រើនគ្រឿងទៀតរំពឹងថា នឹងមកដល់ដៃអតិថិជនមុនកាលបរិច្ឆេទដែលពួកគេត្រូវទទួល ដោយសារក្រុមហ៊ុន Apple បានធ្វើការយ៉ាងល្អជាមួយនឹងក្រុមហ៊ុនដឹកជញ្ជូនផ្សេងៗ។

រូបភាពខាងក្នុងប្រអប់ទូរសព្ទ iPhone 6s ពណ៌ស៊ីជម្ពូ

ទន្ទឹមនឹងនេះ នាងក៏បានធ្វើការចែករំលែកពីលទ្ធផលនៃការធ្វើតេស្តម៉ាស៊ីនរបស់ iPhone 6s នេះដែរ ដោយទទួលបានពិន្ទុខ្ពស់អាចយកឈ្នះ Retina iPad Mini, iPad Mini 3 ព្រមទាំង iPad Air 2 ផង។ លទ្ធផលនៃការធ្វើតេស្តក៏បានបញ្ជាក់អំពី RAM របស់ iPhone 6s គឺពិតជាមានទំហំ 2GB ពិតមែន។

គួរបញ្ជាក់ផងដែរថា ទូរសព្ទ iPhone 6s និង 6s Plus នឹងមានដាក់លក់ជាផ្លូវការនៅក្នុង១២ប្រទេសដំបូងនាថ្ងៃ ២៥ខែកញ្ញាខាងមុខនេះហើយ៕

ចុចអាន៖ ចង់ចេះកាត់តរូបភាពស្អាត អនុវត្តជាមួយវីដេអូនេះ

ប្រែសម្រួល៖ ហៃ សុខហេង ប្រពភ៖ 9To5Mac