ឃឹម បូរី និង សុខ ចាន់រស្មី ជាកីឡាករខ្មែររកគ្រាប់បាល់ហេទ្រីក ឱ្យកម្ពុជានៅ Suzuki Cup

2014-10-17 16:43:36
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាប់បាល់ ៣ គ្រាប់ជាប់គ្នា (ហេទ្រីក) របស់ខ្សែប្រយុទ្ធ សុខ ចាន់រស្មី មកពីក្លិបត្រាយអាស៊ី បានជួយឱ្យក្រុមបាល់ទាត់ជម្រើសជាតិកម្ពុជា វាយបកយកឈ្នះក្រុមទីម័រខាងកើត ហើយថែមទាំងចារឈ្មោះខ្លួនជាបុគ្គលទី២ ក្នុងប្រវត្តិសាស្ត្រកម្ពុជា ដែលអាចរកគ្រាប់បាល់ ៣ គ្រាប់ក្នុងមួយប្រកួតឱ្យក្រុមជម្រើសជាតិ ក្នុងពានរង្វាន់ AFF Suzuki Cup បន្ទាប់ពីកីឡាករ ឃឹម បូរី។

សុខ ចាន់រស្មី (ឆ្វេង) ឃឹម បូរី (ស្ដាំ)

យ៉ាងណាក៏ដោយ ទីម័រខាងកើត ជាក្រុមតែមួយគត់ដែលកីឡាករកម្ពុជា ទាំង បូរី និង រស្មី មានឱកាសរកគ្រាប់បាល់បានហេទ្រីក។ គេចាំបានថាកាលពីវគ្គជម្រុះឆ្នាំ ២០១០ នៅទីក្រុងវៀងចន្ទន៍ដូចគ្នា កីឡាករ ឃឹម បូរី រកគ្រាប់បាល់ឱ្យកម្ពុជា ៣ គ្រាប់ម្នាក់ឯង ក្នុងចំណោម ៤ គ្រាប់ដែលកម្ពុជាឈ្នះទីម័រខាងកើត ៤ ទល់ ២។

ក្រៅពីកីឡាករទាំង ២ នាក់មានកីឡាខ្មែរផ្សេងធ្លាប់រកគ្រាប់បាល់ឱ្យកម្ពុជា បាន ២ គ្រាប់ក្នុងមួយប្រកួតដែរ មានដូចជា ហុក សុចិត្រា, ចាន់ រិទ្ធី និង សំអែល ណាសា ជាដើម។

ខាងក្រោយជាវីដេអូ ហេទ្រីក របស់ ឃឹម បូរី ជួយឱ្យកម្ពុជា ឈ្នះទីម័រខាងកើត កាលពីឆ្នាំ ២០១០៖

http://youtu.be/sGl6bOyBnkQ

ខាងក្រោមជាវីដេអូ ហេទ្រីក របស់ សុខ ចាន់រស្មី ឈ្នះទីម័រខាងកើត នៅឆ្នាំ ២០១៤ នេះ៖

http://youtu.be/MnApX0uw_9c

អត្ថបទ៖ ម៉ឺន រស្មី