ប្រទេស១០ ដែលនឹងមានប្រជាជនច្រើនជាងគេបំផុត ឆ្នាំ២០៥០

2015-09-28 22:36:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីចំនួនប្រជាជនច្រើនជាងគេបំផុតក្នុងលោកនាពេលបច្ចុប្បន្ន ប្រិយមិត្តបានដឹងហើយថាប្រទេសចិនឈរលើគេ និងបន្ទាប់មកគឺប្រទេសឥណ្ឌា។ តែសម្រាប់រយៈពេលជិត ៤០ឆ្នាំខាងមុខទៀត វានឹងមានការប្រែប្រួលខ្លះ ដោយសារគោលនយោបាយរបស់ប្រទេសទាំងនោះ។ នេះបើតាមរបាយការណ៍របស់ការិយាល័យបញ្ជាក់ចំនួនប្រជាជន (Population Reference Bureau) ដែលបានចេញផ្សាយស្ដីពីប្រទេសមានចំនួនប្រជាជនច្រើនជាងគេបំផុតសម្រាប់ឆ្នាំ ២០៥០ កាលពីថ្មីៗនេះ។

ប្រទេសទាំង១០ ខាងក្រោមនេះ នឹងមានប្រជាជនច្រើនជាងគេក្នុងពិភពលោក នៅឆ្នាំ ២០៥០។ ក្នុងនោះតំណែងលេខមួយនឹងធ្លាក់ទៅលើប្រទេសឥណ្ឌាវិញ និងអាមេរិកស្ថិតក្នុងចំណាត់ថ្នាក់លេខបីដដែល។ ចំណែកប្រទេសឥណ្ឌូណេស៊ី ដែលស្ថិតក្នុងតំបន់អាស៊ាន ក៏នឹងមានក្នុងបញ្ជីនេះផងដែរ។

១០. ប្រទេសអេត្យូពី៖ ១៦៥លាននាក់

បច្ចុប្បន្នមានចំនួនប្រជាជន ៩៨,១លាននាក់ ដល់ឆ្នាំ ២០៥០ នឹងមាន ១៦៥លាននាក់។ ការកើនឡើងដ៏ច្រើននេះដោយសារ GDP របស់ប្រជាជនកើន ១០,៣% ក្នុងឆ្នាំ ២០១៤ និងចំនួនអន្តោប្រវេសន៍មាន សូន្យនាក់ ក្នុងចំណោម ១០០០នាក់។

៩. សាធារណរដ្ឋកុងហ្គោ៖ ១៩៤លាននាក់

បច្ចុប្បន្នមានចំនួន ៧១,៧លាននាក់ និងប្រជាជនអាយុក្រោម ១៥ឆ្នាំមានចំនួន ៥៥% ដែលគេព្យាករណ៍ថា កំណើននឹងកើនច្រើនជាងពីរដងទៅទៀត។

៨. ប្រទេសបង់ក្លាដេស៖ ២០២លាននាក់

សព្វថ្ងៃប្រទេសនេះ ជាប់ជាប្រទេសមានប្រជាជនច្រើនលំដាប់ទី ៨ស្រាប់ក្នុងលោក គឺ ១៦០,៤លាននាក់ និងមានប្រជាជនចំណាកស្រុកតិចតួចបំផុត ដែលគេអាចព្យាករណ៍ថាវាអាចរក្សាចំណាត់ថ្នាក់នេះបាន។

៧. ប្រទេសប្រេស៊ីល៖ ២២៦លាននាក់

បច្ចុប្បន្នមានចំនួន ២០៤លាននាក់ ដោយប្រជាជនមានអត្រាធ្លាក់ចុះចាប់តាំងពីឆ្នាំ ១៩៦០មកម្ល៉េះ។ នៅឆ្នាំ ២០១៥នេះ ម្ដាយម្នាក់មានអត្រាកូនជាមធ្យមតែ ១,៨នាក់ប៉ុណ្ណោះ។

៦. ប្រទេសប៉ាគីស្ថាន៖ ៣៤៤លាននាក់

បច្ចុប្បន្ន មាន១៨៨,៩លាននាក់ ចំនួនប្រជាជននឹងកើនឡើងយ៉ាងខ្លាំងដល់ឆ្នាំ ២០៥០ ដោយមិនសូវមានប្រជាជនធ្វើចំណាកស្រុក។

៥. ប្រទេសឥណ្ឌូណេស៊ី៖ ៣៦៦លាននាក់

បច្ចុប្បន្នមាន ២៥៦,៥លាននាក់ ដោយគេរំពឹងថានឹងបន្ថែមជាង ១១០លាននាក់ទៀតនៅឆ្នាំ ២០៥០ខាងមុខ ទោះមានចំណាកស្រុកខ្លះក្ដី។

៤. ប្រទេសនីហ្សេរីយ៉ា៖ ៣៩៧លាននាក់

សព្វថ្ងៃមានចំនួន ១៨៤,៨លាននាក់ ជាមធ្យមស្ត្រីម្នាក់កូនចំនួន ៥,៥នាក់ ចំនួនទាំងនេះនឹងត្រូវវ៉ាដាច់ប្រទេសនានានៅទ្វីបអាហ្វ្រិកក្នុងឆ្នាំ ២០៥០។

៣. សហរដ្ឋអាមេរិក៖ ៣៩៨លាននាក់

បច្ចុប្បន្ន ៣២៥,៧លាននាក់ ការព្យាករណ៍ថា សហរដ្ឋអាមេរិកនឹងរក្សាបាននូវតំណែងលេខ ៣ ជាប្រទេសមានចំនួនច្រើនបំផុតបាន ដោយសារប្រជាជនមានអាយុវែងកើនឡើង និងចំណូលស្រុកច្រើន។

២. ប្រទេសចិន៖ ១៣៦៦លាននាក់

បច្ចុប្បន្នមាន ១៤០០លាននាក់។ បើយោងទៅតាមការសិក្សាដ៏សំខាន់មួយ ប្រទេសចិននឹងធ្លាក់មកនៅត្រឹមលេខពីរវិញក្នុងឆ្នាំ ២០៥០ ដោយសារគោលនយោបាយឲ្យមានកូនតែមួយក្នុងគ្រួសារ។

១. ប្រទេសឥណ្ឌា ១៦៦០លាននាក់