ឆាយ វីរៈយុទ្ធ មានអនុស្សាវរីយ៍អ្វី ទើបយំពេលច្រៀងបទ" រដូវភ្ជុំកូនយំនឹកស្រុក" ?

2015-10-06 16:11:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ឆាយ វីរៈយុទ្ធបានប្រាប់ថា បានជាលោកហូរទឹកភ្នែក អំឡុងពេលច្រៀងបទ " រដូវភ្ជុំកូនយំនឹកស្រុក" ក៏ដោយសារតែលោកនឹកឃើញអនុស្សាវរីយ៍ដែលធ្លាប់រស់នៅបែកម្ដាយតាំងពីតូចអាយុ៧ឆ្នាំមកម្ល៉េះ។

“បាទអូន ពេលដែលបងច្រៀងបទហ្នឹង ក្នុងកម្មវិធីតន្រ្តីថ្ងៃអាទិត្យទឹកភ្នែកបងហូរមកដោយមិនដឹងខ្លួន អារម្មណ៍ពេលនោះបងនឹងឃើញកាលបងនៅក្មេង បងបានបែកពីម្ដាយបងតាំងពីបងនៅតូចៗអាយុ៧ឆ្នាំ រហូតដល់អាយុ ២៤ឆ្នាំទើបបានរស់នៅជុំគ្នាវិញ"។ ឆាយ វីរៈយុទ្ធ ថ្លែងមកកាន់ Sabay។

ចំពោះអត្ថន័យនៃបទចម្រៀងនេះម្ចាស់បទ "បងពីមុនឆ្កួតបាត់ហើយ" បានប្រាប់ថា មិនមែនជាសាច់រឿងពេលនេះរបស់លោកនោះទេ ព្រោះឥឡូវលោកនិងក្រុមគ្រួសារឪពុកម្តាយបានមករស់នៅជុំគ្នាក្នុងទីក្រុងភ្នំពេញហើយ។

“ ឥឡូវនេះជីវភាពបងមិនដូចពីមុនទេ បងអាចចិញ្ចឹមឪពុកម្ដាយឲ្យរស់នៅស្រួលព្រោះបងមានការងារល្អមួយហើយមានបងប្អូនទស្សនិកជនមានការទទួលស្គាល់ច្រើនជាងមុន មិនដូចកាលបងចូលច្រៀងដំបូងៗនោះឡើយ"។ វីរៈយុទ្ធ បន្ថែម។

ថ្វីត្បិតថាបទ" ពេលភ្ជុំកូនយំនឹកស្រុក"នេះមិនមែនជាសាច់រឿងពិតទាំងមូលរបស់លោក ប៉ុន្តែ ឆាយ វីរៈយុទ្ធ ប្រាប់ថា បទនេះបានភ្ញោចអារម្មណ៍ និងកាន់តែនឹកស្រណោះ អនុស្សាវរីយ៍ កម្សត់កម្ររស់បែកពីអ្នកមានគុណ។ ដោយសារតែជីវភាពខ្វះខាតលោកត្រូវទៅរស់នៅជាមួយបងបង្កើតម្នាក់នៅឯកំពង់ធំ បន្ទាប់មកបានផ្លាស់មករៀននៅភ្នំពេញ និងឆ្លៀតពេលពីការសិក្សា លោកក៏ត្រូវទៅច្រៀងដើម្បីរកប្រាក់មកផ្គត់ផ្គង់ជីវភាព។ ទម្រាំលោកមានថ្ងៃនេះ ឆាយ វីរៈយុទ្ធ បានប្រាប់ថា ត្រូវឆ្លងកាត់ឧបសគ្គ និងភាពបរាជ័យជាច្រើនដងមកហើយ។

ក្នុងនោះម្ចាស់បទ "សង្សារលួចលាក់" សុំលើកយករឿងពីរយ៉ាងដែលធ្វើឱ្យលោកមិនអាចបំភ្លេចបានក្នុងជីវិតនោះគឺទីមួយ ការចេញជា CD បទចម្រៀងផ្ទាល់ខ្លួនលើកដំបូង ចំណងជើងថា"ត្រឹមមួយនាទី" មិនបានធ្វើឱ្យតារាចម្រៀងវ័យក្មេងខាងលើ សប្បាយរីករាយឡើយ ព្រោះមិនទទួលការចាប់អារម្មណ៍ច្រើនពីមហាជន និង រឿងមួយទៀតគឺ ព្រឹត្តិការណ៍រត់ជាន់គ្នានៅកោះពេជ្រកាលពីឆ្នាំ២០១០៕

នាយ ឆើត រៀបរាប់ពីជីវិតដែលប្រឈមនឹងសេចក្ដីស្លាប់ទាំងអួលដើមក

លាតត្រដាងដំណើរដកថយពីសិល្បៈរបស់បងប្អូនត្រកូល “លាន” យឹង យន ស្ពាយទ្រសោ ដល់អាមេរិក

អត្ថបទ៖ ថា ម៉ាលីដា