XiaomingនិងAngelababy ទឹកភ្នែកទាំងពីរនាក់ក្នុងថ្ងៃមង្គលការ

2015-10-09 16:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាព Huang Xiaoming និង Angela Baby ទប់ទឹកភ្នែកមិនជាប់បានធ្វើឲ្យ ភ្ញៀវកិត្តិយសដែលបានចូលរួមនៅទីនោះក៏មានអារម្មណ៍ក្ដុកក្ដួលមិនចាញ់តួឯកទាំងពីរដែរ។

ពិធីអាពាហ៍ពិពាហ៍របស់ Huang Xiaoming និង Angelababy អាចនិយាយបានថាជាព្រឹត្តិការណ៍ធំមួយក្នុងវិស័យសិល្បៈរបស់អាស៊ី ចាប់ពីដើមឆ្នាំមកដល់ឥលូវ។

គ្រប់គេហទំព័រតូចធំរបស់ប្រទេសចិន និងបណ្ដាប្រទេសផ្សេងទៀតបានចុះផ្សាយពីមង្គលការនេះយ៉ាងព្រោងព្រាត។ ពីភ្ញៀវអញ្ជើញមកចូលរួម រហូតដល់ទីតាំងប្រារព្ធពិធីស្អាតដូចឋានសួគ៌ សំលៀកបំពាក់មានតម្លៃរបស់កូនកំលោះកូនក្រមុំ សុទ្ធតែបានអ្នកគាំទ្រចាប់អារម្មណ៍ទាំងអស់។ ស្របជាមួយនឹងទិដ្ឋភាពទាំងនេះក៏មានរូបភាពមួយដែលធ្វើឲ្យសក្ខីភាពដែលមានមុខនៅទីនោះស្ទើរទប់ទឹកភ្នែកមិនបាន។ នោះគឺកាលៈទេសៈដែល Huang Xiaoming និង Angelababy ស្រក់ទឹកភ្នែកក្នុងថ្ងៃមង្គលការរបស់ពួកគេ។

វេលាម៉ោង ១៩និង២២នាទី ឪពុករបស់ Baby ដឹកដៃកូនស្រីលើកម្រាលព្រំក្រហមដើរឆ្ពោះទៅកាន់ កូនកំលោះ។ មនុស្សគ្រប់គ្នាមិនបញ្ចេញសំឡេងសូម្បីបន្តិចពេលរង់ចាំ Huang Xiaoming មកចាប់ដៃ Baby ឈានជើងដើរឡើងលើឆាក។

វេលាម៉ោង ១៩និង៣២ នាទី Huang Xiaoming សួរទៅកាន់ Angela ថា "អូនព្រមនៅក្បែរបងអស់មួយជីវិតដែរទេ?” Angela បានឆ្លើយមកវិញថា "អូនយល់ព្រម"។ បន្ទាប់ពីនោះ កូនកំលោះបាននិយាយទៅកាន់កូនក្រមុំថា "ថ្ងៃនេះបងពិតជារំភើបខ្លាំងណាស់សម្រាប់បង។ បងមិនដែលបានធ្វើល្អដល់ថ្នាក់នេះចំពោះមនុស្សស្រីណាផ្សេងទេ។ បងចង់យកពិភពលោកទាំងមូលមកជូនអូន អ្វីដែលអូនចូលចិត្តបងក៏ចូលចិត្តដែរ។ បើទោះជាអូនអាយុ ៧០ ឬ ៨០ឆ្នាំ ជ្រុះអស់ធ្មេញក៏អូននៅតែជាព្រះនាងតូចរបស់បងដែរ។ អូនតែងតែសួរថា ពេលអូនចាស់ទៅនឹងទៅជាយ៉ាងម៉េច។ បងគ្រាន់តែនិយាយបានថា បងថ្នមអូនរហូតដល់ខូចអស់ហើយ។ ធ្វើបែបនេះទើបគ្មានអ្នកណាដណ្ដើមអូនពីបងបាន។

Baby បាននិយាយទៅវិញថា "ទៅថ្ងៃអនាគត ទោះបីជាបងសប្បាយឬកើតទុក្ខ អូននឹងនៅក្បែរបង ផ្ដល់ឲ្យបងគ្រួសារមួយ នោះជាក្ដីសុបិនរបស់អូន។ សង្ឃឹមថាពេលចាស់ទៅអាចបានឮសំឡេងរបស់បង។ មួយជីវិតនេះបាននៅក្បែរបងជារឿងត្រឹមត្រូវ ជាសុភមង្គល"។

ម៉ោង ១៩និង៤៤ នាទី កូនកំលោះកូនក្រមុំហៅឈ្មោះអ្នកកំដរទាំងអស់ឲ្យចេញមកចាប់ផ្កាមង្គល។ Li Bing Bing ជាអ្នកចេញមុខមកមុនគេ។ Bing Bing ចង់និងពិធីករ ចង់ឲ្យ Shu Qi និង Chi Ling Lin ត្រូវតែចេញមកចាំទទួលផ្កាដែរ ហើយនៅទីបញ្ចប់ Chi Ling Lin ជាអ្នកទទួលបានផ្កាពរនេះ។

ម៉ោង ១៩និង៥៣ នាទី ពិធីមង្គលការបានបញ្ចប់ទៅដោយស្នាមញញឹមនៃសុភមង្គលរបស់ប្ដីប្រពន្ធមួយគូនេះ។ Huang Xiaoming, Angela Baby និងភ្ញៀវកិត្តិយសធ្វើដំណើរឆ្ពោះទៅកាន់កន្លែងសន្និសីទកាសែត៕