រុស្សីកំពុងតេស្តអាវុធកាំរស្មីដែលអាចធ្វើឲ្យសត្រូវងងឹតភ្នែក ស្របពេលកំពុងមានសង្គ្រាមជាមួយ ISIS
- 2015-10-09 21:24:32
- ចំនួនមតិ 0 | ចំនួនចែករំលែក 0
រុស្សីកំពុងតេស្តអាវុធកាំរស្មីដែលអាចធ្វើឲ្យសត្រូវងងឹតភ្នែក ស្របពេលកំពុងមានសង្គ្រាមជាមួយ ISIS
ចន្លោះមិនឃើញ
ប្រទេសរុស្សីបានឲ្យដឹងថា ខ្លួនកំពុងធ្វើតេស្តអាវុធកាំរស្មីមួយប្រភេទ ដែលអាចធ្វើឲ្យសត្រូវងងឹតភ្នែកបាន ស្របពេលដែលប្រទេសនេះបានប្រកាសសង្គ្រាមជាមួយនឹងក្រុមឥស្លាមជ្រុលនិយម ISIS។
អាវុធនេះត្រូវបានគេឲ្យឈ្មោះថា Grach វាអាចបញ្ចេញពន្លឺកាំរស្មីខ្លាំងគ្រប់គ្រាន់នឹងអាចធ្វើឲ្យប្រព័ន្ធចក្ខុរបស់មនុស្សមានបញ្ហាបាន។ អាវុធនេះផងដែរគឺមានបំពាក់ទៅដោយប្រព័ន្ធបញ្ចាំងពន្លឺកាំរស្មីចំនួនបួន និង អាចធ្វើការបញ្ជាដោយតេឡេបានទៀតផង។ ក្រៅពីប្រើប្រាស់ជាអាវុធវាយប្រហារ Grach ក៏អាចប្រើប្រាស់សម្រាប់ជាប្រព័ន្ធការពារសម្រាប់កងទ័ពអំឡុងពេលប្រយុទ្ធ និង បង្អាក់ការឈ្លបយកការណ៍របស់សត្រូវផងដែរ។ គេក៏អាចប្រើវាជា ភ្លើងសម្រាប់បំភ្លឺដ៏ល្អ និងសម្រាប់ផ្ដល់ជាសញ្ញាក្នុងរយៈចម្ងាយឆ្ងាយ។
ប្រទេសរុស្សីបានធ្វើការបង្ហាញអាវុធនេះនៅក្នុងការតាំងពិពណ៌សព្វាវុធមួយដែលធ្វើឡើងក្នុងសប្ដាហ៍នេះផ្ទាល់។ អាវុធកាំរស្មីនេះត្រូវបានឲ្យដឹងថា ផលិតឡើងសម្រាប់កងទ័ពជើងទឹករុស្សីដែលនឹងធ្វើតេស្តនៅចុងខែនេះ។ គេក៏រំពឹងដែរថា អាវុធនេះអាចនឹងប្រើប្រាស់សម្រាប់ការប្រយុទ្ធតតាំងជាមួយនឹងក្រុមឥស្លាម ISIS៕
ចុចអាន៖ iPhone 6s ឆ្លាក់រូប វ្ល៉ាឌីមៀរពូទីន ចេញលក់ហើយ តែតម្លៃជាង ៣ ពាន់ដុល្លារ
ប្រែសម្រួល៖ ហៃ សុខហេង ប្រភព៖ Express, RT