Brad Pitt គំរាមលែងលះបើ Angelina Jolie នៅតែមិនព្រមឡើងគីឡូ
- 2015-10-10 13:09:40
- ចំនួនមតិ 0 | ចំនួនចែករំលែក 0
Brad Pitt គំរាមលែងលះបើ Angelina Jolie នៅតែមិនព្រមឡើងគីឡូ
ចន្លោះមិនឃើញ
តាំងពីដើមមកតារាសម្ដែងអាមេរិក Angelina Jolie គឺតែងតែមានរាងស្គមជានិច្ច ប៉ុន្តែពេលនេះ រាងរបស់តារាសម្ដែងរូបនេះកាន់តែស្គមស្ទើរតែដូចគ្រោងឆ្អឹងទៅហើយ។ ស្វាមីរបស់ Jolie, Brad Pitt បានបោះពាក្យគំរាមថានឹងលែងលះគ្នាបើប្រពន្ធខ្លួននៅតែមិនឡើងគីឡូបែបនេះតទៅទៀត។
ប្រភពជិតស្និទ្ធមួយបានប្រាប់ទៅកាន់ ទស្សនាវដ្ដី Star ថា តារាសម្ដែងអាមេរិក Brad Pitt កំពុងមានកង្វល់ជាមួយប្រពន្ធរបស់ខ្លួនយ៉ាងខ្លាំង ក្រោយពេល Angelina Jolie នៅសល់ត្រឹមតែស្បែកគ្របឆ្អឹងដោយគ្មានសាច់សោះ។ Brad Pitt ខ្លាចការស្គមរីងរៃរបស់ Jolie នឹងជះផលអវិជ្ជមានទៅដល់កូនៗរបស់ពួកគេ។ ជាច្រើនលើកច្រើនសារ លោកបានដាស់តឿនប្រពន្ធឲ្យទៅជួបវេជ្ជបណ្ឌិត ពាក់ព័ន្ធនឹងជំងឺមិនចង់ញ៉ាំអាហារ តែ Jolie មិនដែលស្ដាប់សម្ដីប្ដីនោះឡើយ។
Angelina Jolie មានកម្ពស់ ១,៧៥ម តែសព្វថ្ងៃម្ដាយរបស់ Maddox រូបនេះ មានទម្ងន់តែ ៣៧ គីឡូតែប៉ុណ្ណោះ។ ប្រភពខាងលើបន្តថា សុភមង្គលរបស់គូស្នេហ៍នេះ ត្រូវរង្គោះរង្គើ ដោយសារតែ Jolie ស្គមពេក ដល់ថ្នាក់ Brad Pitt គ្មានជម្រើសផ្សេងក្រៅពីគំរាមលែងលះ។
“Brad Pitt បានប្រាប់ប្រពន្ធថា បើនាងមិនទៅរកពេទ្យព្យាបាលទេ លោកនឹងចាកចេញទៅព្រមទាំងយកកូនរបស់ពួកគេទៅជាមួយដែរ" ប្រភពខាងក្នុងមួយបានប្រាប់ឲ្យដឹង។ ប្រភពនេះបានបន្ថែមទៀតថា "ការពិត Brad ស្រលាញ់ប្រពន្ធរបស់គាត់ ហើយចង់ឲ្យគាត់មានសុខភាពល្អ។ គាត់មិនចង់ឲ្យប្រពន្ធភ្ញាក់ខ្លួននៅពេលដែលវាបានយឺតពេល តែ Jolie មិនខ្វល់ពីខ្លួនឯងសោះ" ៕
ចុចអាន៖ចូលមើលផ្ទះប្រណិតរបស់ Angelina Jolie ដែលដាក់លក់ក្នុងតម្លៃ២លានដុល្លារ
ប្រែសម្រួល៖ សុវណ្ណផៃ ប្រភព៖ hollywoodlife