Euro 2016 រកឃើញ២០ក្រុម សល់តែ៤ក្រុមវគ្គ play-off

2015-10-16 16:11:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គជម្រុះពានរង្វាន់ទ្វីបអឺរ៉ុប ឬ UEFA Euro 2016 បានបញ្ចប់ហើយសម្រាប់វគ្គក្នុងពូល ដោយរកឃើញ១៩ក្រុមដែលត្រូវឡើងទៅជាមួយម្ចាស់ផ្ទះបារាំងដែលជាប់ស្វ័យប្រវត្តិដោយមិនបាច់ជម្រុះ។ បន្ថែមលើក្រុម២០នេះ ក្រុម៨ផ្សេងទៀត នឹងត្រូវប្រកួត Play-off ប្រជែងគ្នាយកកៅអី៤ដែលនៅសល់ នាខែវិច្ឆិកាខាងមុខ។

ក្រុមទាំង១៩ ដែលជាប់នាវគ្គជម្រុះ គឺជាក្រុមដែលជាប់លេខ១ និងលេខ២ ក្នុងពូលទាំង៩ រួមជាមួយក្រុមលេខ៣ ល្អបំផុត (ក្រុមលេខ៣ ដែលមានពិន្ទុខ្ពស់ជាងក្រុមលេខ៣ ក្នុងពូល៨ផ្សេងទៀត)។ ក្រុមទាំង១៩ រួមមានដូចខាងក្រោម៖

ពូល A៖ សាធារណរដ្ឋឆេក, អ៊ីស្លង់, ទួរគី (លេខ៣ល្អបំផុត) , ពូល B៖ បែលហ្សិក, វែល, ពូល C៖ អេស្ប៉ាញ, ស្លូវ៉ាគី, ពូល D៖ អាល្លឺម៉ង់, ប៉ូឡូញ, ពូល E៖ អង់គ្លេស, ស្វីស, ពូល F៖ អៀរឡង់ខាងជើង, រ៉ូម៉ានី, ពូល G៖ អូទ្រីស, រុស្ស៊ី, ពូល H៖ អ៊ីតាលី, ក្រូអាត និងពូល I៖ ព័រទុយហ្គាល់, អាល់បានី។

សម្រាប់ក្រុមទាំង៨ដែលត្រូវទៅប្រកួត play-off រួមមាន បូស្នី&ហឺហ្ស៊េហ្គោវីណា, អ៊ុយក្រែន, អៀរឡង់, ស្លូវើនៀ, ហុងគ្រី, ស៊ុយអែត, ន័រវែស និងដាណឺម៉ាក។ ក្រុមទាំង៨ នឹងត្រូវចាប់ឆ្នោតរើសគូប្រកួត (សរុប៤ គូ ប្រកួត២ជើង) នៅថ្ងៃទី១៨ តុលាខាងមុខ ហើយការប្រកួតនឹងធ្វើឡើងនៅថ្ងៃទី១២ ដល់១៤ វិច្ឆិកា (ជើងទី១) និង១៥ ដល់១៧ វិច្ឆិកា (ជើងទី២)។

មើលតារាងពិន្ទុក្នុងពូលទាំង៩ ដើម្បីឲ្យកាន់តែច្បាស់ (បៃតង ជាក្រុមជាប់)៖

សម្គាល់៖ ក្រូអាត ត្រូវ UEFA ពិន័យកាត់១ពិន្ទុ

សម្គាល់៖ ស៊ែប ត្រូវ UEFA ពិន័យកាត់៣ពិន្ទុ

*របៀបរកក្រុមលេខ៣ល្អបំផុត៖ ក្រុមលេខ៣ល្អបំផុតគឺក្រុមលេខ៣ ដែលមានពិន្ទុខ្ពស់ជាងក្រុមលេខ៣ក្នុងពូលផ្សេងទៀត។ ប៉ុន្តែ មានពូល១ ដែលមានក្រុមតិចជាងគេ (ពូល I មានតែ៥ក្រុម) ដូច្នេះមិនអាចយកតាមពិន្ទុធម្មតានោះទេ ដោយសារចំនួនប្រកួតមិនស្មើគ្នា។ ដូច្នេះហើយ ទើបក្រុមផ្សេងទៀតក្នុងពូលដែលមាន៦ក្រុម គេគិតតែ៨ប្រកួតដូចដាណឺម៉ាកដែលជាប់លេខ៣ក្នុងពូល I ដែរ ដោយមិនគិត ២ប្រកួត ដែលប៉ះក្រុមបាតតារាង (លេខ៦ក្នុងពូល)។ ជាលទ្ធផល ពិន្ទុនៃក្រុមលេខ៣ ទាំង៩ពូល មានដូចខាងក្រោម៖

ពានរង្វាន់ទ្វីបអឺរ៉ុប ឬ Euro 2016 នឹងធ្វើឡើងនៅប្រទេសបារាំង ចាប់ពីថ្ងៃទី១០ ខែមិថុនា ដល់ថ្ងៃទី១០ ខែកក្កដា ឆ្នាំ២០១៦ ដោយមាន២៤ក្រុមប្រកួតប្រជែងយកតំណែងជើងឯក៕

ដោយ៖ សុវត្ថិ

ប្រភព៖ UEFA

ពាក្យទាក់ទង

កីឡាបាល់ទាត់អន្តរជាតិ UEFA Euro 2016

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

មិនចង់មានថ្ងៃនេះ! គ្រីសឌីវ៉ា បញ្ចប់ស្នេហាខំសាង៨ឆ្នាំជាមួយ Dj Alex ដោយត្រឹមពាក្យថាអរគុណ

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

តើគួរជ្រើសរើសយករថយន្តភីកអាប់ ប្រើម៉ាស៊ីនម៉ាស៊ូត ឬប្រើម៉ាស៊ីនសាំង?

អត្ថបទថ្មី

Zidane ចង់ឲ្យ Real ឈ្នះ Bayern ក្នុងប្រកួត UCL វគ្គពាក់កណ្ដាលផ្ដាច់ព្រ័ត្រ

បុណ្យភ្នំ បានផ្ដល់តម្លៃជាប្រវត្ដិសាស្ដ្រថ្មីមួយទៀតសម្រាប់កម្ពុជា

សណ្ឋាគារ Raffles Hotel Le Royal ទទួលបានជោគជ័យក្នុងការរៀបចំកម្មវិធី CARNAVAL Night

មកដឹងប្រវត្តិស្មាត់ស្ដាំក្លឹបស្នងការ ចាន់ វាសនា មុនចូលក្រុមជម្រើសជាតិកម្ពុជា

ឡាន Minivan អគ្គិសនី Volkswagen ID.Buzz GTX ដែលមានកម្លាំងខ្លាំង និង Option ទំនើប!