ការប្រកួតជើងឯកជាតិវាយសីចាប់ផ្តើមម្សិលមិញ លេខ១បានប្រាក់រង្វាន់១៥ម៉ឺនរៀល

2015-10-16 16:03:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជ្រើសរើសជើងឯកវាយសីថ្នាក់ជាតិប្រចាំឆ្នាំ២០១៥បានចាប់ផ្តើមប្រកួតកាលពីថ្ងៃទី១៥ ខែតុលា ម្សិលមិញនៅអគារដំបូលទូកក្នុងពហុកីឡដ្ឋានជាតិ និងគ្រោងបញ្ចប់នៅថ្ងៃទី២០ ខែតុលាខាងមុខនេះ ប៉ុន្តែត្រូវបានគេមើលឃើញថា ប្រាក់រង្វាន់មិនច្រើនឡើយពោលគឺបានត្រឹមតែ១៥ម៉ឺនរៀលប៉ុណ្ណោះសម្រាប់ជយលាភីជើងឯក។

ការប្រកួតជើងឯកវាយសីជាតិប្រចាំឆ្នាំ២០១៥នេះមានបេក្ខជនចំនួន១៤៥នាក់មកពីទូទាំងបានចូលរួមប្រកួតកម្មវិធីជើងឯកវាយសី។ បេក្ខជនទាំង១៤៥នាក់ដែលត្រូវចូលប្រកួតគឺមកពីបណ្ដាខេត្តនានា ដូចជា កំពង់ចាម ស្វាយរៀង កំពង់ឆ្នាំង ខេត្តព្រះសីហនុ កោះកុងជាដើម ខណៈដែលបេក្ខជនមួយចំនួនទៀតគឺនៅរាជធានីភ្នំពេញនេះ។ ចំពោះការប្រកួតវិញ ត្រូវបានបែងចែកជា៣គឺវិញ្ញាសាឯកត្តជន វាយជាគូ និងវាយជាក្រុមបុរសដែលមានគ្នាចំនួន៥នាក់។

ចំពោះជើងឯកវិញ អ្នកបានលេខមួយនឹងទទួលបាន១៥ម៉ឺនរៀន លេខ២បាន១០ម៉ឺនរៀល និងលេខ៣បានចំនួន៨ម៉ឺនរៀលសម្រាប់បេក្ខជនដែលវាយជាលក្ខណៈ ឯកត្តជន។ ចំណែកឯ វាយជាគូ និងវាយជាក្រុមវិញគឺគិតទៅតាមនោះដែរ (បើឈ្នះម្នាក់ៗនឹងទទួលបានប្រាក់រង្វាន់ដូចវិញ្ញាសាឯកត្តជន)។

គោលបំណងធំនៃការប្រកួតជើងឯកជាតិនេះគឺដើម្បីត្រៀមខ្លួនឈានទៅរកព្រឹត្តិការណ៍ស៊ីហ្គេម ២០២៣ដែលកម្ពុជាទទួលធ្វើជាម្ចាស់ផ្ទះ ។ ចំពោះខាងសហព័ន្ធវាយសីវិញក៏បានរៀបចំការប្រកួតឈុតយុវជនវ័យ១៣ ឆ្នាំ (U13) ដើម្បីជាថ្នាលមួយរួចជាស្រេចហើយដែរ៕

សកម្មភាពប្រកួតម្សិលមិញ