លេចរូប Angelina Jolie និង Brad Pitt នាំកូនៗដើរទិញទំនិញនៅសៀមរាប

2015-10-20 15:57:32
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងអាមេរិក Angelina Jolie និងស្វាមីបានប្រឹងអស់ពីសមត្ថភាពដើម្បីឲ្យកូនៗរបស់ខ្លួនមិនភ្លេចដើមកំណើតរបស់ពួកគេ។

១៣ ឆ្នាំក្រោយពីបានទទួលចិញ្ចឹមកូនប្រុស Maddox ដែលជាកូនខ្មែរនោះ ម្ដាយកូន ៦ រូបនេះបានត្រលប់មកប្រទេសកំណើតរបស់គេម្ដងហើយម្ដងទៀត ព្រមទាំងបាននាំកូនៗដទៃទៀតមកជាមួយផងដែរសម្រាប់លើកនេះ។

Jolie និង Brad ត្រូវបានអ្នកកាសែតថតបាននៅពេលកំពុងទិញទំនិញជាមួយ កូនពៅ Shiloh និង កូនភ្លោះរបស់ពួកគេគឺ Knox និង Vivienne នៅផ្សារចាស់ ខេត្តសៀមរាបកាលពីថ្ងៃអាទិត្យមុននេះ។

នៅក្នុងរូបថតពួកគេត្រូវបានប្រទះឃើញកំពុងដើរទិញឥវ៉ាន់នៅក្នុងផ្សារមុនពេលឡើងរ៉ឺម៉កកង់បី ចេញដំណើរទៅវិញ។ Jolie និងស្វាមីកំពុងនៅខេត្តសៀមរាបដើម្បីដើររកទីតាំងថតភាពយន្តថ្មីរបស់នាងគឺរឿង "ដំបូងខ្មែរក្រហមសម្លាប់ឪពុករបស់ខ្ញុំ" ដែលតារាសម្ដែងនេះជាអ្នកដឹកនាំរឿង។ នៅក្នុងដំណើរមកកាន់ប្រទេសកម្ពុជាលើកនេះ គ្រួសាររបស់ Jolie មិនបានប្រើប្រាស់យានជំនិះស៊ីវិល័យអ្វីមកធ្វើជាយានជំនិះនោះទេ ដោយពួកគេទៅណាមកណាដោយជិះរ៉ឺម៉កកង់បី តែប៉ុណ្ណោះ។

នៅក្នុងរឿងនេះដែរ Maddox នឹងចូលរួមយ៉ាងសកម្មក្នុងដំណើរការថត ដោយម្ដាយរបស់គេចង់ឲ្យគេមានទំនាក់ទំនងជិតស្និទ្ធជាមួយនឹងទឹកដីកំណើតរបស់ខ្លួន។ តារាសម្ដែងអាយុ ៤០ ឆ្នាំរូបនេះធ្លាប់និយាយថា Maddox ឥលូវនេះមានអាយុ ១៤ ឆ្នាំហើយ ហើយក៏ជាពេលវេលាដែលគួរដែលដឹងពីប្រវត្តិរបស់ប្រទេសគេដែរ បើទោះបីជាគេជាកូនរបស់នាង តែ Maddox ក៏ជាកូនខ្មែរម្នាក់ដែរ៕