យានជំនិះប្រើថាមពលព្រះអាទិត្យស្នាដៃកូនខ្មែរ ទំនើបអាចប្រជែងទីផ្សារបរទេស

2015-10-22 16:41:46
ចំនួនមតិ 0 | ចំនួនចែករំលែក 0

ចន្លោះមិនឃើញ

យានជំនិះដំណើរការដោយថាមពលព្រះអាទិត្យរបស់ស្ថាបនិក លោក ញាន ផល្លឹក កំពុងទទួលបានការចាប់អារម្មណ៍ខ្លាំងពីមជ្ឈដ្ឋាននានានៅក្នុងប្រទេស។ បច្ចុប្បន្នរថយន្តនេះកំពុងស្ថិតក្នុងដំណើរការនៃការផលិត ហើយក៏គ្រោងនាំចេញទៅលក់នៅទីផ្សារតំបន់អាស៊ីនាអនាគតខាងមុខ។

លោក ញាន ផល្លឹក ធ្លាប់បានបញ្ជាក់កន្លងទៅថា លោកបានចាប់ដៃជាមួយក្រុមហ៊ុនបច្ចេកវិទ្យាធំមួយរបស់អូស្ត្រាលី Star 8 ដើម្បីសហការគ្នាផលិតរថយន្តដើរដោយថាមពលពន្លឺព្រះអាទិត្យ ដើម្បីធានាឱ្យបាននូវគុណភាពខ្ពស់សម្រាប់ការប្រើប្រាស់ក្នុងតំបន់ និងឈានដល់ការប្រកួតប្រជែងនៅក្នុងទីផ្សារក្រៅប្រទេស។

យានជំនិះដើរដោយថាមពលព្រះអាទិត្យនេះ អាចផ្ទុកអ្នកដំណើរបានប្រមាណជា ១០នាក់ ដោយមានកៅអីចំនួនបីនៅផ្នែកខាងមុខ។ កៅអីមួយកណ្តាលសម្រាប់តៃកុង កៅអីពីរសងខាងសម្រាប់អ្នកដំណើរ និងផ្នែកខាងក្រោយមានកៅអីវែងពីរសម្រាប់ផ្ទុកអ្នកដំណើរផ្សេងទៀត។

តោះ! ទស្សនារូបភាពយានជំនិះដើរដោយថាមពលព្រះអាទិត្យរបស់កូនខ្មែរតិចមើល៍ គួរឱ្យចាប់អារម្មណ៍យ៉ាងណាដែរ?