ជួបបញ្ហាស្បែកមុខសំបូរខ្លាញ់ សាកល្បងវិធីងាយៗនេះ

2015-10-22 21:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្បែកមុខសំបូរជាតិខ្លាញ់ ជាបញ្ហាដែលអាចបង្កឲ្យកើតមុន ពេលសារជាតិខ្លាញ់នោះ ប៉ះជាមួយធូលីដី ឬផ្សែងកខ្វក់ ឬដោយសារការសម្អាតស្បែកមិនបានស្អាតល្អជាដើម។ មានវិធីធម្មជាតិងាយៗមួយចំនួនដែលអ្នកអាចធ្វើដើម្បីកម្ចាត់បញ្ហានេះបាន ដែលមានដូចខាងក្រោម៖

១. ទឹកប៉េងប៉ោះលាយទឹកឃ្មុំ

កិនយកទឹកប៉េងប៉ោះស្រស់ៗ លាយជាមួយទឹកឃ្មុំធម្មជាតិឲ្យខាប់រួចយកល្បាយខាប់នោះមកលាបលើមុខ។ ទុករយៈពេល១៥នាទីបន្ទាប់មកលាងសម្អាតចេញ នឹងឃើញពីប្រសិទ្ធភាព។

២. ស្លឹកជីអង្កាម

ដាក់ស្លឹកជីរអង្កាមក្នុងបរិមាណណាមួយក្នុងទឹកក្ដៅ។ ប្រសិនបើស្លឹកជីរអង្កាមអណ្ដែតលើទឹកគឺមិនសូវមានប្រសិទ្ធភាពនោះទេ ផ្ទុយទៅវិញបើស្លឹកនោះលិចគឺមានអាចប្រើការបានល្អ។ ទុកចោលល្បាយស្លឹកជីរអង្កាមក្នុងទឹកក្ដៅឲ្យត្រជាក់ បន្ទាប់មកយកសំឡីមកផ្ដិតល្បាយនោះមកជូតលើស្បែកមុខ នឹងឃើញពីប្រសិទ្ធភាព។

៣. ប្រទាលកន្ទុយក្រពើ

យកទឹកប្រទាលកន្ទុយក្រពើស្រស់មកជូតលើផ្ទៃមុខ និងស្បែក ទុកចោលមួយសន្ទុះរួចលាងសម្អាតនឹងទឹកត្រជាក់ អាចកាត់បន្ថយជាតិខ្លាញ់លើស្បែកបាន។ បន្ថែមពីនេះទៀតវាអាចព្យាបាលសម្រាប់ស្បែករលាកដោយកម្ដៅថ្ងៃ និងកន្ទួលរមាស់បានទៀតផង។

៤. ទឹកខ្មេះ

លាយទឹកខ្មេះស White Vinegar ជាមួយទឹក ក្នុងបរិមាណស្មើគ្នា។ យកសំឡីផ្ដិតល្បាយនោះរួចជូតលើស្បែក ឬមុខដែលមានបញ្ហាសំបូរជាតិខ្លាញ់កើតឡើង។ វាជួយកម្ចាត់ចេញនូវជាតិខ្លាញ់ និងភាពកខ្វក់ចេញពីស្បែកបានល្អ។