SayGoodBye មិនឲ្យចាញ់ NeverCare, បិទពិន្ទុគូប្រកួតត្រឹម ០ ដែរ!

2014-10-18 20:20:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតជាមិនធម្មតាសម្រាប់ក្រុម SayGoodBye សម្រាប់ការប្រកួតអម្បាញ់មិញនេះ ដោយបានបំបាក់គូប្រកួតក្រុម NoProblem ក្នុងលទ្ធផល ៥ ទល់នឹង ០ ដូចទៅនឹងជ័យជម្នះរបស់ម្ចាស់ការពារតំណែងជើងឯក AK ប្រចាំខេត្តបាត់ដំបង ក្រុម NeverCare លើក្រុម MakDengMakVai ក្នុងជំនួបបើកឆាកនៃព្រឹត្តិការណ៍ CCC បាត់ដំបងព្រឹកមិញនេះអីចឹង!

ជាមួយនឹងលទ្ធផលដ៏ពិបាករកបានរបស់ក្រុម SayGoodBye នេះ អាចជាឧបសគ្គសម្រាប់ក្រុម NeverCare ក្នុងការរក្សាពងមាន់របស់ខ្លួនមិនឲ្យបែកសម្រាប់ព្រឹត្តិការណ៍ CCC បាត់ដំបងឆ្នាំ ២០១៤ នេះ ព្រោះក្រុមទាំង ២ នេះអាចនឹងប៉ះគ្នានៅវគ្គពាក់កណ្ដាលផ្ដាច់ព្រ័ត្រ បើសិនជាជើងខ្លាំងទាំង ២ នេះទទួលបានជ័យជម្នះនៅវគ្គ ៨ ក្រុមចុងក្រោយនៅថ្ងៃស្អែកនេះ។

ក្រោយពីទទួលជ័យជម្នះលើក្រុម NoProblem ជើងខ្លាំង SayGoodBye4U ប្រធានក្រុម SayGoodBye បានបង្ហាញចំណាប់អារម្មណ៍ប្រាប់ Sabay ថា រូបគេពិតជាមានអារម្មណ៍រំភើបមែនទែន មិននឹកស្មានថាអាចយកឈ្នះគេក្នុងលទ្ធផល ៥ ទល់ ០ ចឹងសោះ!

ប្រធានក្រុមរូបនេះបានបន្តទៀតថា លទ្ធផលនេះបានបន្ថែមក្ដីសង្ឃឹមទៅលើក្រុមគេក្នុងការបំបែកពងមាន់ក្រុម NeverCare នៅវគ្គពាក់កណ្ដាលផ្ដាច់ព្រ័ត្របើសិនជាក្រុមខ្ញុំឈ្នះក្រុម OverDie នៅវគ្គ ៨ ក្រុមចុងក្រោយ។

តើប្រិយមិត្តមានអ្វីជូនពរក្រុម SayGoodBye ទេ? ហើយគិតថាគេអាចឆ្លងផុតវគ្គ ៨ ក្រុមចុងក្រោយនៅថ្ងៃស្អែកទេ? បើចង់ដឹង កុំភ្លេចតាមដានជាមួយ Sabay ណា៎!

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសព្ទចល័ត Smart។ Super 40 គឺជា Promotion ពិសេសថ្មី ដែលផ្ដល់រហូតដល់ទៅចំនួន ៤០នាទីដោយឥតគិតថ្លៃសម្រាប់ការទាក់ទងក្នុងប្រព័ន្ធជារៀងរាល់ថ្ងៃ ជាមួយនឹងស៊ីមកាតថ្មី ឬចុច *202# សម្រាប់អតិថិជនចាស់។

ព្រឹត្តិការណ៍ CCC 2014 នាំមកជូនដោយ Sabay និង Smart ហើយចូលរួមដោយ Skullcandy។ Skullcandy ជា Brand កាសឈានមុខគេ ដែលឆ្លុះបញ្ចាំងពីជីវិតរស់នៅបែបតន្រ្តី Fashion និងកីឡា។ Skullcandy បង្កើត ឡើងដោយភាពច្នៃប្រឌិត សង្កត់ធ្ងន់ទៅលើសំឡេងច្បាស់ល្អ សម្ភារៈដែលមានតែមួយនិងការវេចខ្ចប់ប្រកបដោយភាពច្នៃប្រឌិត ជាមួយបច្ចេកវិទ្យាសំឡេងចុងក្រោយបង្អស់ ដើម្បីបង្កើតផលិតផលឲ្យលេចធ្លោខុសពីគេ។