JerrySecret តិចនិកប្រើ Snip ធ្លុះមិនចាញ់ ManNiiez របស់ ReBirth

2014-10-18 22:53:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Jerry របស់ក្រុម Secret បានបង្ហាញថ្វីដៃប្រយុទ្ធជាមួយនឹងកាំភ្លើងប្រភេទ Snip ធ្លុះបានយ៉ាងល្អ ពេលប្រកួតជាមួយក្រុម The Mazz អម្បាញ់មិញនេះ ដោយទទួលបានចំណាត់ថ្នាក់ ACE មាសសម្លាប់បាន ៩ នាក់ ហើយបានជួយឲ្យក្រុម Secret យកជ័យជម្នះលើក្រុម The Mazz ក្នុងលទ្ធផល ៥ ទល់នឹង ១។

ជាមួយនឹងថ្វីដៃប្រើ Snip ដ៏កម្រនឹងឃើញនៅក្នុងការប្រកួតក្នុងស្រុកនេះ បានធ្វើឲ្យទស្សនិកជន ជាពិសេសអ្នកគាំទ្ររបស់ក្រុម The Secret ផ្ទាល់តែម្ដង ដោយមិនអាចទប់អារម្មណ៍ក្នុងការបន្លឺឡើងនូវឈ្មោះរបស់ JerrySecret បានឡើយ។

បន្ទាប់ពីទទួលបានជ័យជម្នះលើក្រុម The Mazz ជើងខ្លាំងលេចធ្លោជាមួយនឹងកាំភ្លើងប្រភេទ Snip ធ្លុះ JerrySecret បានបង្ហើបប្រាប់ Sabay ថា "ខ្ញុំទើបតែចាប់កាន់ Snip ធ្លុះបានប្រមាណជិត ១ ខែទេបង ហើយក៏មិនធ្លាប់គិតថា ខ្ញុំអាចប្រើប្រាស់ Snip ធ្លុះបានល្អចឹងដែរ នេះប្រហែលជាសំណាងរបស់ខ្ញុំទេ"។

Jerry បានបន្តរៀបរាប់ពីផលពិបាកក្នុងការប្រើប្រាស់ Snip ធ្លុះនេះផងដែរថា "ពិបាកដែរហ្នឹងណាបង! ព្រោះពេលប្រើកាំភ្លើងប្រភេទ Assault ស្រួលចេញបាញ់គ្នាណាស់ ដល់ពេលមកកាន់ Snip នេះ មិនសូវហ៊ានចេញមុខប៉ុន្មានទេ គឺតែងតែនៅពួនចាំវាយឆ្មក់ជានិច្ច ព្រោះឈរបាញ់ទល់មុខគ្នាជាមួយគូប្រកួតគឺភាគរយឈ្នះតិចពេក"។

យ៉ាងណាមិញ ការប្រើប្រាស់កាំភ្លើងប្រភេទ Snip នេះមិនមែនជាចំណង់ខ្លាំងរបស់ Jerry ប៉ុន្មានទេ តែដោយសារតែក្រុមទាំងមូលឃើញយុទ្ធសាស្ត្ររបស់ក្រុម ReBirth ម្ចាស់ជើងឯក MATIC 2014 ខ្លាំងពេលមានអ្នកប្រើ Snip ធ្លុះនេះ ដូច្នេះសមាជិកក្រុមទាំងមូលបានជំរុញឲ្យ Jerry ប្រើតែម្ដងទៅ ព្រោះក្រុម Secret ទាំងមូលយល់ឃើញថា Jerry គឺឆ្លាត ហើយចាប់យល់នូវអ្វីដែលថ្មីបានរហ័ស។ នេះបើយោងតាមការបញ្ជាក់របស់ Mutan ប្រធានក្រុម Secret សមាជិក Clan TheJaNoy។

គិតយ៉ាងណាដែរចំពោះថ្វីដៃប្រើ Snip របស់ Jerry? អាចប្រៀបជាមួយ ManNiiez របស់ ReBirth បានអត់?

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសពចល័ត Smart។ Call ទៅលេខ 987 រួចចុចលេខ 1 ដើម្បីស្ដាប់បទចម្រៀងអន្តរជាតិល្បីៗUniversal Music។ ចុច *202# ដើម្បីទទួលបាន ៤០ នាទីសម្រាប់តេក្នុងប្រព័ន្ធជារៀងរាល់ថ្ងៃ។ ចុច *999*10# ដើម្បីទទួលបានល្បឿនអ៊ីនធឺណិតលឿនដូចព្យុះ ជាមួយបច្ចេកវិទ្យា 4G LTE របស់ Smart។