កាន់តែច្បាស់ពីរថយន្ត Range Rover Evoque បើកដំបូល

2015-11-10 17:41:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតក្រុមហ៊ុន Land Rover បានបញ្ជាក់ជាផ្លូវការពីវត្តមានរថយន្ត Range Rover Evoque ប្រភេទបើកដំបូលដ៏ពិសេស។

ក្រុមហ៊ុន Land Rover ធ្លាប់បានបង្ហាញពីផលិតផលផលគំរូនៃរថយន្ត Ranger Rover Evoque បើកដំបូលនេះនៅឆ្នាំ២០១២ម្ដងរួចមកហើយ តែមិនបានបញ្ជាក់់ច្បាស់ពីការផលិតជាផលិតផលសម្រេចឡើយ។ ទើបតែពេលនេះក្រុមហ៊ុនបានធ្វើការបញ្ជាក់ជាផ្លូវការអំពីការផលិតជាផលិតផលសម្រេច រួមទាំងបានបង្ហាញជារូបរាងនិងសមត្ថភាពពិសេសរបស់រថយន្តនេះផង។

ក្រុមហ៊ុនបានឲ្យដឹងថា រថយន្ត Evoque Convertible នេះមានបំពាក់នូវម៉ាស៊ីនទំហំ២លីត្រ ដែលមានកម្លាំង២៤០សេះ អាចបង្កើនសន្ទុះពី០ទៅ៩៦គ.ម/ម៉ត្រឹមរយៈពេល៧,៨វិនាទី។ ដើម្បីផ្ដល់នូវសុវត្ថិភាពព្រមទាំងភាពងាយស្រួលផងនោះ ដំបូលរបស់វាចំណាយពេល១៨វិនាទីដើម្បីបត់ចូល និង២១វិនាទីសម្រាប់បើកឡើង។ ចំពោះទម្ងន់របស់វាគឺធ្ងន់ជាងប្រភេទដែលមានដំបូលជាប់ ចំនួន២៧០គ.ក ដោយទម្ងន់សរុបរបស់វាគឺ១៩៣៥គ.ក។

សម្រាប់ផ្នែកខាងក្នុងនៃរថយន្តវិញមានការរចនារូបរាងយ៉ាងស្រស់ស្អាត ហើយក៏មានបំពាក់នូវអេក្រង់សម្រាប់បង្ហាញព័ត៌មានទំហំ៨អ៊ីញ ប្រព័ន្ធសំឡេងមានរន្ធបំពងសំឡេងចំនួន១០។ រថយន្ត Evoque Convertible នេះទៀតសោតក៏អាចភ្ជាប់ទៅកាន់ទូរស័ព្ទ Android និង iOS បានដោយសារវាមានមុខងារ Android Auto និង Apple CarPlay។