ដល់ថ្ងៃគ្រប់ខែសម្រាលកូន ទើបដឹងថាខ្លួនមានផ្ទៃពោះ
- 2015-11-10 22:20:31
- ចំនួនមតិ 0 | ចំនួនចែករំលែក 0
ដល់ថ្ងៃគ្រប់ខែសម្រាលកូន ទើបដឹងថាខ្លួនមានផ្ទៃពោះ
ចន្លោះមិនឃើញ
ស្ត្រីម្នាក់រស់នៅរដ្ឋ Massachusetts សហរដ្ឋអាមេរិក មានអារម្មណ៍ភ្ញាក់ផ្អើលជាខ្លាំង ក្រោយរកឃើញថាខ្លួនមានផ្ទៃពោះ និងសម្រាលកូនមួយម៉ោងក្រោយ។
អ្នកស្រី Judy Brown អាយុ៤៧ឆ្នាំ បានទៅមន្ទីរពេទ្យ Beverly នៃទីក្រុង Beverly រដ្ឋ Massachusetts ក្រោយមានអាការៈឈឺពោះខ្លាំង និងពុំដឹងថាខ្លួនមានផ្ទៃពោះទេ។ នេះបើតាមអ្នកនាំពាក្យមន្ទីរពេទ្យ។ ដំបូងឡើយ ស្រ្ដីខាងលើ គិតថាការឈឺពោះនេះ ប្រហែលបណ្ដាលមកពីដុំសាច់ណាមួយ ឬកំណកក្នុងថង់ប្រមាត់ក្នុងពោះ។ ប៉ុន្តែក្រោយពេលគ្រូពេទ្យពិនិត្យមើល ទើបដឹងថាគាត់ឈឺពោះឆ្លងទន្លេ។
អ្នកស្រី Brown ប្រាប់សារព័ត៌មាន ABC ថា «វាគួរឲ្យខ្លាច ពេលចូលមន្ទីរពេទ្យ ដោយខ្ញុំគិតថារឿងរ៉ាវអាក្រក់នឹងកើតឡើងជាមិនខាន តែវាហួសពីការរំពឹងទុក ដែលខ្ញុំឈឺផ្ទៃពោះសម្រាលកូនទៅវិញ»។
អ្នកស្រី Brown បានរៀបការជាមួយលោក Jason Brown ជាង ២២ឆ្នាំហើយ ពុំមានកូនឡើយ នេះជាកូនដំបូងរបស់ពួកគេ។ ក្រោយសម្រាល គាត់ទទួលបានកូនស្រី មានសុខភាពល្អ ទម្ងន់ ៣,៦គីឡូក្រាម ដោយដាក់ឈ្មោះឲ្យ Carolyn Rose។ អ្នកស្រីបន្តថា អ្នកស្រីពិតជាមិនដឹងខ្លួនមានផ្ទៃពោះទេ ព្រោះរាងកាយ និងសុខភាពធម្មតា មិនមានអ្វីប្រែសម្រួលសោះ។
លោកវេជ្ជបណ្ឌិត Kimberly Gecsi នៅសាកលវិទ្យាល័យ Case Medical Center និយាយថាវាជារឿងកម្រនឹងកើតមាន ដែលស្ត្រីជាម្ដាយមិនបានដឹងខ្លួនមានផ្ទៃរហូតដល់ថ្ងៃសម្រាលនោះ៕
ចុចអាន៖ ក្រុមហ៊ុនជប៉ុនចេញខ្នើយឱបថ្មីរាងដូចមនុស្សស្រីពិតៗ សម្រាប់បុរសៗនៅលីវ
ប្រែសម្រួល៖ ឡេង ភារុណ ប្រភព៖ abcnews