មើលតែពីរចំណុចអាចដឹងថា iPhone 6s ដែលអ្នកចង់ទិញពិតឬក្លែងក្លាយ

2015-11-13 20:20:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ iPhone ជំនាន់ថ្មីបានធ្វើការដាក់លក់ជាផ្លូវការហើយនៅក្នុងទីផ្សារប្រទេសកម្ពុជា ប៉ុន្តែទន្ទឹមនឹងនេះក៏មានជនឆ្លៀតឱកាសមួយចំនួនបាននាំយកទូរសព្ទ iPhone 6s ក្លែងក្លាយដើម្បីយកមកលក់លើទីផ្សារដែរ។ ត្បិតថា iPhone 6s ពិតប្រាកដនិងក្លែងក្លាយមានរូបរាងដូចគ្នាដែលធ្វើឲ្យអ្នកប្រើប្រាស់មួយចំនួនពិបាកវិនិច្ឆ័យក៏ពិតមែន ប៉ុន្តែមានចំណុចមួយចំនួនដែលអ្នកអាចពិសោធបានថាទូរសព្ទដែលចង់ទិញពិត ឬក្លែងក្លាយ។

១. ប្រអប់

ប្រអប់របស់ iPhone 6s ពិតប្រាកដគឺតែងមានរូបថតទូរសព្ទ iPhone 6s និង Wallpaper ថ្មីជាប់នឹងប្រអប់ ឯ 6s ក្លែងក្លាយគឺមិនមានឡើយ។ មួយវិញទៀតនោះគឺប្រអប់ 6s ក្លែងក្លាយដាក់ថា មានអង្គចងចាំទំហំ៦៤GB ប៉ុន្តែជាក់ស្ដែងគឺមានត្រឹមតែ៨GB ប៉ុណ្ណោះ។ ២. មុខងារ 3D Touch

ទូរសព្ទ iPhone 6s ពិតប្រាកដមានបំពាក់នូវមុខងារ 3D Touch របស់ក្រុមហ៊ុន Apple ដែលមុខងារនេះមិនមានក្រុមហ៊ុនណាអាចចម្លងតាមបាននោះឡើយ។ ដើម្បីដំណើរការមុខងារនេះអ្នកគ្រាន់តែយកម្រាមដៃដាក់លើកម្មវិធីមួយដែលមានលើអេក្រង់ទូរសព្ទរយៈពេលមួយសន្ទុះ នោះវានឹងលោតចេញផ្ទាំងដែលបង្ហាញពីមុខងារដើម្បីបញ្ជាកម្មវិធី។

ពិនិត្យមើលពីរចំណុចនេះហើយនៅមិនទុកចិត្តទៀតអាចសាកល្បងតាមវិធីដូចខាងក្រោមបន្ថែមទៀតបាន ដោយគ្រាន់តែចុចលើតំណភ្ជាប់នេះ វិធីពិនិត្យមើលថា iPhone ដែលអ្នកប្រុងទិញ ពិតឬក្លែងក្លាយ ។