NeverCare នៅតែខ្លាំងការពារតំណែងជើងឯក AK បាត់ដំបងបានសម្រេច

2014-10-20 00:30:46
ចំនួនមតិ 0 | ចំនួនចែករំលែក 0

ចន្លោះមិនឃើញ

NeverCare នៅតែអាចការពារតំណែងជើងឯករបស់ខ្លួននៅខេត្តបាត់ដំបង ទោះបីជាជើងខ្លាំងដទៃទៀតមានយុទ្ធសាស្ត្រថ្មីៗ និងតិចនិកប្រយុទ្ធខ្លាំងជាងឆ្នាំមុន។ យ៉ាងណាមិញ ជ័យជម្នះរបស់ក្រុម NeverCare ឆ្នាំនេះ គឺមិនដូចឆ្នាំមុនឡើយដែលតែងតែបំបាក់គូប្រកួតក្នុងលទ្ធផល ៥ ទល់នឹង ០ ដោយជើងខ្លាំងជាច្រើនក្រុមបានបង្កភាពភ័យខ្លាច ក៏ដូចជាភាពរន្ធត់ដល់ក្រុម NeverCare ជាពិសេសគឺក្រុម Secret ដែលជាដៃគូប្រកួតនៅវគ្គផ្ដាច់ព្រ័ត្រតែម្ដង។

ក្រុម Secret

NeverCare ធ្លាប់តែទទួលបានពិន្ទុនាំមុខគូប្រកួត ប៉ុន្តែសម្រាប់ការប្រកួតជាមួយក្រុម Secret នៅវគ្គផ្ដាច់ព្រ័ត្រអម្បាញ់មិញនេះ ក្រុម NeverCare ត្រូវបានជើងខ្លាំងក្រុម Secret ទទួលបានពិន្ទុនាំមុខមុនចំនួន ២ ដង គឺចាប់ផ្ដើមពី ១ ទល់នឹង ០ និង ២ ទល់ ១។ រហូតមកដល់ប្រកួតទី ៦ ក្រុម Secret នៅតែមានទម្រង់ប្រយុទ្ធល្អ ដោយបានតាមពិន្ទុទាន់ក្រុម NeverCare វិញក្នុងលទ្ធផល ៣ ទល់នឹង ៣។ ជាលទ្ធផល ក្រុម NeverCare បានយកឈ្នះក្រុម Secret ទាំងភ័យបុកពោះញ័រដៃញ័រជើងក្នុងលទ្ធផល ៥ ទល់នឹង ៣។

ទោះបីជា ក្រុម Secret ទទួលបរាជ័យនៅវគ្គផ្ដាច់ព្រ័ត្រក្រោមថ្វីដៃ NeverCare ក៏ពិតមែន ប៉ុន្តែ Secret នៅតែទទួលបានមេដាយកិត្តិយសចំនួន ៥ ប្រាក់រង្វាន់ចំនួន ៥០០ ដុល្លារ និង ២ ម៉ឺន Sabay Coin ខណៈម្ចាស់ជយលាភីលេខ ១ ក្រុម NeverCare ទទួលបានពានរង្វាន់កិត្តិយសចំនួន ១ មេដាយកិត្តិយសចំនួន ៥ ប្រាក់រង្វាន់ចំនួន ១ ពាន់ដុល្លារ និង ២ ម៉ឺន Sabay Coin។

បន្ថែមពីរង្វាន់ខាងលើ ជើងខ្លាំងទាំង ២ ក្រុមនេះ នឹងត្រូវធ្វើជាតំណាងជើងខ្លាំងសេវាកម្សាន្ត AK Online ខេត្តបាត់ដំបងក្នុងការចូលរួមប្រកួតស្វែងរកជើងខ្លាំងប្រចាំប្រទេសក្នុង ព្រឹត្តិការណ៍ CCC 2014 នៅភ្នំពេញ។ ហើយកាន់តែពិសេសទៅទៀតនោះគឺប្រសិនបើទាំង ២ នៅតែបន្តឈ្នះក្នុងព្រឹត្តិការណ៍ CCC 2014 នៅភ្នំពេញ ពួកគេនឹងទទួលបានកៅអីទៅប្រកួតបន្តនៅលើឆាកអន្តរជាតិ MATIC 2015 ប្រទេសចិននាពេលខាងមុខនេះផងដែរ។

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសព្ទចល័ត Smart។ Super 40 គឺជា Promotion ពិសេស ថ្មី ដែលផ្ដល់រហូតដល់ទៅចំនួន ៤០នាទីដោយឥតគិតថ្លៃសម្រាប់ការទាក់ទងក្នុងប្រព័ន្ធជារៀងរាល់ថ្ងៃ ជាមួយនឹងស៊ីមកាតថ្មី ឬចុច *202# សម្រាប់អតិថិជនចាស់។

អត្ថបទ៖ ភីឆាយ