Juventus អាចស៊ី Manchester City ឡើងឈរកំពូលតារាងបានអត់យប់នឹង?

2015-11-25 23:13:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមសេះបង្កង់ Juventusនឹងបើទ្វាកីឡាដ្ឋានJuventus Stadium ស្វាគមន៍ក្រុមមេឃខៀវ Manchester Cityក្នុងការប្រកួត UEFA Champions League វគ្គសន្សំពិន្ទុពូល D នាវេលាម៉ោង០២:៤៥នាទីយប់នេះ។

ជួបគ្នានៅជើងទី១ ក្រុម Juventusបានទៅបំបាក់ក្រុម Manchester Cityដល់ផ្ទះដោយលទ្ធផល ២-១។ ចុះយប់នេះក្រុមខ្លាំងក្នុងប្រទេសអ៊ីតាលីមួយនេះអាចរកជ័យជំនះក្នុងដីខ្លួនឯងបានអត់?

សម្ដីអ្នកចាត់ការ៖

លោក Massimiliano Allegri អ្នកចាត់ការក្រុម Juventusបាននិយាយថា៖"នេះគឺជាការប្រកួតសំខាន់កាត់សេចក្ដីក្រុមណាដែលអាចឈរកំពូលតារាង។ ទិសដៅរបស់ពួកយើងគឺចង់ឈ្នះជាដាច់ខាតដើម្បីបានទៅវគ្គ១៦ក្រុមដោយស្វ័យប្រវត្តិ។ ប្រសិនបើពួកយើងមិនឈ្នះមានតែចាំអ៊ុតការប្រកួតរបស់ Sevilla និង Borussia Mönchengladbach ។

ចំណែកឯលោក Manuel Pellegrini អ្នកចាត់ការក្រុម Manchester City បាននិយាយថា៖"វាជាការប្រកួតសំខាន់ដើម្បីទៅវគ្គជុំបន្ទាប់ ហើយឆ្នាំនេះពិតជាអស្ចារ្យដែលពួកយើងអាចឈរកំពូលតារាង។ ការប្រកួតនៅថ្ងៃស្អែកជាការប្រកួតដ៏លំបាកក្នុងរកជ័យជំនះក្រៅដី ព្រោះពួកយើងបានជួបសំណាងមិនល្អដោយភ្លាត់ចាញ់ Juventusក្នុងដី ២-១។

ជើងកីឡាករ៖

Juventus មានបញ្ហាកីឡាករមួយចំនួនដូចជា៖ Cáceres, Khediraនិង Pereyra (របួសភ្លៅ) ឯ Hernanes ជាប់ពិន័យ។ ដូច្នេះ១១នាក់ដំបូងរបស់ក្រុមសេះបង្កង់ Juventusអាចជា៖ Buffon; Barzagli, Bonucci, Chiellini; Lichtsteiner, Sturaro, Marchisio, Pogba, Alex Sandro; Dybala (Mandžukić)និង Morata។

ក្រឡេកទៅមើលក្រុម Manchester Cityវិញជួបវិបត្តិកីឡាករសំខាន់មួយចំនួនដូចជា៖ Bony និង Nasri (របួសសរសៃពួរ) ,Silva (របួសកជើង), Kompany (របួសជើង), Mangala និង Zabaleta (ជង្គង់)។ ១១នាក់របស់ Manchester Cityអាចជា៖ Hart; Sagna, Otamendi, Demichelis, Kolarov; Fernandinho, Fernando; Navas, Touré, Sterlingនិង Agüero។

ប្រវត្តិជួបគ្នា និងស្ថិតិមួយចំនួន៖ ក្រុមទាំង២នេះ ធ្លាប់ជួបគ្នា៥ដងហើយពីមុនហើយ ដោយក្នុងនោះ Juventus ឈ្នះ២ដង Manchester Cityឈ្នះម្ដង និងស្មើគ្នា២ដង។ ៥ប្រកួតចុងក្រោយក្រុមលោក Manuel Pellegrini នៅ Premier League ឈ្នះ ២ ចាញ់ ២ ស្មើ ១ ឈរលេខ៣ក្នុងតារាង រីឯ ក្រុមលោក Massimiliano Allegri ក្នុង Serie A ឈ្នះ ៣ ចាញ់១ ស្មើ១ស្ថិតលេខ៦។

ព្យាករណ៍គូនេះគឺ៖ Juventus ២-១ Manchester City , ចុះប្រិយមិត្តយល់យ៉ាងណាដែរ?

សម្រាប់គូទាំងអស់យប់នេះគឺ៖