ភរិយា នាយក្រិន ពិបាកចិត្តរឿងប្តីនៅឆ្ងាយ
- 2015-11-27 16:56:06
- ចំនួនមតិ 0 | ចំនួនចែករំលែក 0
ភរិយា នាយក្រិន ពិបាកចិត្តរឿងប្តីនៅឆ្ងាយ
ចន្លោះមិនឃើញ
ដំណើរទៅសម្ដែងនៅសហរដ្ឋអាមេរិក រយៈពេលជាងកន្លះឆ្នាំរបស់នាយក្រិន ភរិយាពោលពិបាកចិត្ត និងព្រួយបារម្ភរឿងប្តីព្រោះគ្មានអ្នកណាមើលថែ។
ភរិយានាយក្រិនថ្លែងថា៖ “ វាពិបាកណាស់បងព្រោះធ្លាប់តែនៅជុំគ្នា ណាមួយពិបាកត្រង់ថាគាត់នៅទីនោះឆ្ងាយប្រពន្ធកូនគ្មានអ្នកមើលថែ បើគាត់នៅជិតខ្ញុំ គ្រាន់បានខ្ញុំជួយមើលថែគាត់ រឿងបាយទឹកអី ជាដើម"។
(រូបថត៖ ហ្វេសប៊ុក យ៉ាយ៉ា ប្រពន្ធនាយក្រិន)
ភរិយានាយក្រិននាង យ៉ាយ៉ា បន្តឲ្យដឹងទៀតថា តាំងពីក្លាយជាប្ដីប្រពន្ធមកមិនដែលរស់នៅបែកគ្នារយៈពេលយូររហូតទៅដល់ ៨ខែដូច្នេះទេ ធ្លាប់មានម្ដងប៉ុណ្ណោះកាលនាយក្រិនទៅអូស្រ្តាលី ប៉ុន្តែកាលណោះ ក៏មិនយូរអីចឹងដែរ គឺត្រឹមរយៈពេលមួយខែប៉ុណ្ណោះ។ ក្រៅពីបារម្ភខ្លាចស្វាមីលំបាក ការនឹករលឹកគ្នារវាងប្ដីប្រពន្ធ យ៉ាយ៉ា បញ្ជាក់ថា កើតមានធម្មតា។ ប៉ុន្តែ យ៉ាងណាពួកនាង តែងតែទំនាក់ទំនងគ្នាញឹកញាប់តាមរយៈទូរសព្ទ ឬបណ្ដាញទំនើបដើម្បីបន្ធូរបន្ថយការនឹក។
" ទោះរស់នៅបែកគ្នាយូរមែនមានអារម្មណ៍ថាពិបាក ប៉ុន្តែមិនអីទេ ព្រោះពួកខ្ញុំខលទាក់ទងគ្នារាល់ថ្ងៃតាមលេខទូរស័ព្ទគាត់ផងតាមហ្វេសប៊ុកផង មួយថ្ងៃ ៣,៤ដង អីចឹងបន្ថយការនឹកខ្លះដែរបង"។ យ៉ាយ៉ា ប្រាប់ Sabay។
កាលប៉ុន្មានខែមុន យ៉ាយ៉ា បានធ្វើឲ្យនាយក្រិនរំភើបក្នុងខួបគម្រប់រស់នៅជួបជុំគ្នាស់រយៈពេលបីឆ្នាំ ដោយសព្វថ្ងៃពួកគេទទួលបានចំណងដៃ កូនប្រុស ឈ្មោះ សុជន មង្គល មានអាយុជាងមួយខួបកន្លះ៕
អត្ថបទ៖ ថា ម៉ាលីដា