ការស្លៀកពាក់ ឈុន វីរៈកោសល្យ សង្ហាយ៉ាងណារហូតឈ្នះពាននៅម៉ាឡេស៊ី?

2015-12-02 15:15:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងម៉ូដែលលោក ឈុន វីរៈកោសល្យ ថ្មីៗនេះទើបបានឈ្នះពានរង្វាន់ Best Dress Winner ពីកម្មវិធី ASEAN CELEBRITY EXPLORE QUEST MALAYSIA 2015 ពីប្រទេសម៉ាឡេស៊ី តំណាងឲ្យកម្ពុជានៅលើឆាកអន្តរជាតិ។

សម្រាប់ការឈ្នះនេះ សាមីខ្លួនធ្លាប់បានបញ្ជាក់ប្រាប់ថាមិនមែនជារឿង ចៃដន្យទេ តែលោកបានត្រៀមខ្លួន និងផ្ចិតផ្ចង់ក្នុងការជ្រើសរើសសំលៀកបំពាក់ឲ្យមើលទៅសក្ដិសមនឹង កម្មវិធីលំដាប់អន្តរជាតិមួយនេះ។ “ពេលចូលរួូមជារបៀបញ៉ាំអាហារពេលយប់ខ្ញុំបានជ្រើសខោ ខ្មៅ ឬពណ៌សាច់ អាវបើកកដៃវែង ដោយពេលខ្លះបន្ថែមអាវធំពីក្រៅក៏បាន ឬយកមកកាន់នៅដៃក៏បាន។ តែសម្រាប់ពេលដើរលេងវិញ គឺជ្រើសរើសខោអាវបែបយុវវ័យ ដែលភាគច្រើនគឺ អាវយឺត និងខោវប៊យ ស្បែកជើងប៉ាតា។ “

បើ តាមសម្ដីអ្នកនាង សៅ រដ្ឋា ប្រធានផ្នែកទីផ្សារ របស់ក្រុមប្រឹក្សាផ្សព្វផ្សាយទេសចរណ៍ម៉ាឡេស៊ីប្រចាំកម្ពុជា និងជាអ្នកដឹកនាំក្រុមតារាកម្ពុជាទៅចូលរួមកម្មវិធីខាងលើបានឲ្យដឹងថា “តាមពិតទៅ ការផ្ដល់ពានកិត្តិយសមួយនេះដល់ តារារូបណាម្នាក់ខាងអ្នករៀបចំកម្មវិធីគេមិនមែនសំឡឹងមើលតែថ្ងៃ ចុងក្រោយទេ តែគេសង្កេតតារាណាម្នាក់តាំងពីចុះពីលើយន្តហោះរហូតដល់វិនាទី ចុងក្រោយនៃកម្មវិធីឯណោះ។”

ងាក មកមើលលក្ខណៈសម្បត្តិខ្លះៗរបស់ កោសល្យ គឺមានកម្ពស់ ១,៨៨ ទម្ងន់ ៩០ គីឡូក្រាម សម្បុរស អាយុ ២៨ ឆ្នាំ ទីកន្លែងកំណើតនៅខេត្ត កណ្ដាល។ អតីត Mr Global Contesting 2015 រូប នេះបានឲ្យប្រាប់ថា ដើម្បីទទួលបានរូបរាងកាយមាំមួនលោកចូលចិត្ត ហាត់កីឡា ហើយកីឡាដែលឧស្សាហ៍ហាត់ជាងគេគឺវាយកូនហ្គោល។

ឥឡូវតោះ…!មើលស្ទីលស្លៀកពាក់របស់តារាម៉ូដែលរូបនេះមើល៍ តើសង្ហាប៉ុណ្ណា?